Nýju strákarnir á PGA Tour 2012: nr. 26 – Seung-yul Noh

Nú fer að líða að lokum kynningar á strákunum 29, sem fengu kortið sitt fyrir 2012 keppnistímabilið í gegnum Q-school PGA í La Quinta, Kaliforníu í desember s.l.  Bara á eftir að kynna 4 efstu strákana og tveir þeirra deildu 3. sætinu að þessu sinni þeir:

Byrjað verður á að kynna Seung-yul Noh frá Suður-Kóreu.

Seung-yul fæddist í Gangwon-do í Suður-Kóreu, 29. maí 1991 og er því 20 ára. Seung-yul byrjaði að spila golf 7 ára eftir að pabbi hans gaf honum fyrsta settið. Seung-yul æfði sig m.a. með því að slá bolta á ströndinni nálægt heimili sínu í Seoul áður en hann fór í skólann og eftir að hann kom heim úr skólanum varði hann öllum tíma sínum á æfingasvæðinu.  Seung-yul spilaði líka tennis, fótbolta og hafnarbolta áður en hann sneri athyglinni alfarið að golfi. Hann gerðist síðan atvinnumaður 9 árum síðar, aðeins 16 ára, árið 2007. Það ár komst hann í gegnum Q-school Asíutúrsins og spilaði keppnistímabilið 2008 á þeim túr. Hann vann Midea China Classic á fyrsta keppnistímabili sínu og var nýliði ársins 2008 á Asíutúrnum.

Árið 2010 vann hann Maybank Malaysian Open sem var sameiginlegt mót Asíutúrsins og Evrópumótaraðarinnar. Með þessum sigri varð hann yngsti sigurvegari Evrópumótaraðarinnar (18 ára, 282 daga) á eftir Danny Lee (18 ára, 213 daga). Árið 2010 varð Seung-yul í 1. sæti á peningalista Asíutúrsins og í 34. sæti á Order of Merit á Evrópumótaröðinni.

Seung-yul stundaði nám við Kóreu háskóla.

Fróðleiksmolar um Seung-yul:

Hann ferðast aldrei án iPads-ins síns og uppáhalds vefsíðan hans er twitter.com. Uppáhaldslið Seung-yul er Manchester United. Uppáhaldssjónvarpsþáttur hans er „Unlimited Challenge,“ sem er vinsæll þáttur í Suður-Kóreu. Seung-yul er alltaf með orkustykki í pokanum sem nesti. Góðgerðarmál sem Seung-yul styrkir er háskólasjúkrahúsið í Kóreu (Korean University Hospital).

Sem stendur er Seung-yul í 117. sæti heimslistans.

Heimild: PGA Tour og Wikipedia