17 atriði sem þið vissuð ekki um Ian Poulter

Hér á eftir fara 17 atriði, þann 17. ágúst sem þið vissuð e.t.v. ekki um enska kylfinginn Ian Poulter:

1. Poulter gerðist atvinnumaður með 4 í forgjöf.

2. Fyrsti golfklúbburinn þar sem hann var félagi var Chesfield Downs í Hertfordshire.

3. Hann var aðstoðargolfkennari í Leighton Buzzard og veitti krökkum oft tíma fyrir £1.

4. Hann vann með þjálfaranum Lee Scarborough.

5. Fyrsti sigurinn kom í móti sem var tveggja hringja þ.e. 36 holur. Hann var á skori upp á 66 báða daga og hann vann sér inn £1,500, sem var andvirði 2 mánaða vinnu þegar hann var aðstoðargolfkennari.

6. Poulter byrjaði að spila golf þegar hann var 4 ára.

7. Hann heldur með Arsenal í enska boltanum en reyndi sjálfur fyrir sér og reyndi að komast í Tottenham Hotspur þegar hann var 13 ára.

8. Poulter var á Áskorendamótarö Evrópu (Challenge Tour) árið 1999 og vann sér inn kortið sitt á Evróputúrinn í fyrsta sinn árið 2000. Hann hóf að spila á PGA Tour árið 2005.

9. Besti árangur Poulter í risamóti var árið 2008 þegar hann varð í 2. sæti á Opna breska.

10. Poulter hefir sigrað 10 sinnum á Evróputúrnum, 2 sinnum á heimsmótum og einu sinni á PGA Tour. Sigurinn á PGA Tour kom á þessu ári á Houston Open þegar hann þurfti á sigri að halda til þess að komast á The Masters.

11. Poulter elskar Formúlu 1 og er góður vinur Rubens Barrichello.

12. Poulter hefir tvisvar unnið sér inn 4 stig í  Ryder Cup, í annað skiptið 2008 í Valhalla og í hitt skiptið í Medinah, 2012. Í Medinah, urðu 5 fuglar Poulter á síðustu 5 holunum til þess að tryggja dýrmætt stig fyrir lið Evrópu á laugardeginum sem gaf liðinu kraft og trú til að eiga eitt óvæntasta og besta „comeback“ í sögu Rydersins.

13. Poulter á ótrúlegt safn bíla og elskar  Ferrarí en hefir selt einn þeirra til Rory McIlroy þ.e. Ferrari F12.

14. Poulter á sína eigin fatalínu sem heitir IJP Design.

15. Hann var í buxum með enska fánanum á Opna breska 2004. Eftir mótið gaf hann buxurnar á uppboð þar sem allur ágóði rann til  Yorkhill Children’s Hospital í Skotlandi.

16. Poulter styður tvær góðgerðastofnanir doesDreamflight og Chideo. Dreamflight fer með börn og foreldra þeirra í draumafrí í Orlandó í Flórída. Chideo safnar stöðugt peningum sem renna til góðgerðarmála.

17. Poulter er kvæntur Katie og þau eiga 4 börn: Aimee-Leigh, Luke, Joshua og Lily-Mai.

Poulter er sem stendur í síðasta sæti þeirra sem komast sjálfkrafa í 2018 Ryder Cup lið Evrópu.