Q-school LET: Tinna hefur leik á lokaúrtökumóti Evrópumótaraðarinnar.

Nákvæmlega á þessari stundu er Tinna Jóhannsdóttir, GK, að hefja leik á Norður-velli, La Manga golfvallarins í Cartagena, í Murcia á Spáni.  Hún á rástíma kl. 09:20 og fjölmargir hér heima sem hugsa til hennar og óska henni góðs gengis! Tinna freistar þess að verða 2. kvenkylfingurinn frá Íslandi til að spila á LET, en á undan henni hefir aðeins Ólöfu Maríu Jónsdóttur, klúbbfélaga hennar í GK tekist það.

Auglýsingamynd fyrir styrktarmót Tinnu, sem fram fór í haust á Hvaleyrinni.

Tinna er ein af 101 keppenda í þessu geysisterka lokaúrtökumóti. Meðal annarra þekktra þátttakenda er danski reynsluboltinn og kynskiptingurinn Mianne Bagger, Liebelei Lawrence, fyrsti kvenkylfingurinn frá Lúxemborg til að spila á LET (en hún er reyndar með tvöfalt ríkisfang), skoska undrið Carly Booth, sem æfir á einkagolfvelli fjölskyldunnar í Skotlandi, en pabbi hennar er fyrrum rótari hjá Bítlunum. Eins er þar enska stúlkan Hannah Burke, sem vann B-hóp undanúrtökumótsins (hópinn, sem Tinna var í) með yfirburðum  samtals-11 undir pari; indverska fegurðardísin Sharmila Nicollet og hin franska Melody Bourdy, systir Grégory Bourdy, sem spilar á Evróputúrnum; en Melody komst á LET í fyrra.

Golf 1 óskar Tinnu góðs gengis í dag og alla 5 daga lokaúrtökumótsins!

Til þess að sjá stutta kynningu Golf 1 á La Manga golfvöllunum, smellið HÉR: 

Til þess að fylgjast með stöðunni á La Manga 1. dag lokaúrtökumótsins, smellið HÉR: