15 unglingar við keppni í Finnlandi – staðan e. 2. dag

Fimmtán íslenskir unglingar eru við keppni í Finnlandi á Finnish International Junior Championship, sem fer fram á Cooke vellinum í Vierumäki golfklúbbnum.

Keppnin stendur dagana 24.-26. júní og lýkur í dag.

Í strákaflokki er Sigurður Garðarsson, GKG að standa sig best er T-4, eftir annan dag á samtals 10 yfir pari, 154 höggum (77 77).  Næstbest af íslensku kylfingunum er Kristófer Karl Karlsson, GM að standa sig en hann er á 11 yfir pari, 155 höggum (79 76) og í 7. sæti. Sigurður Blumenstein GR er T-12 á 14 yfir pari; Dagbjartur Sigurbrandsson, GR, er í 26. sæti á 29 yfir pari (90 79) og Böðvar Pálsson , GR, var ekki alveg að finna sig; spilaði á 85 og 93 tvo fyrstu dagana en lauk keppni á glæsihring 76 höggum; enda í fyrsta sinn verið að keppa erlendis.

Í stelpuflokki stendur Kinga Korpak, GS, sig best er T-11 (87 83).

Í drengjaflokki 16 ára stendur Arnór Guðmundsson, GHD sig best íslensku þátttakandanna er T-13 (81 75); næstbest íslensku þátttakandanna í drengjaflokk stendur Kristján Benedikt Sveinsson, GA sig er T-21 (78 81); Elvar Már Kristinsson , GR, er T-39 á 29 yfir pari; Ragnar Ríkharðsson GMog Sverrir Haraldsson GM eru báðir T-44 á samtals 32 yfir pari, hvor.  Birkir Orri Viðarsson, GS er T-46 á 33 yfir pari.

Í telpuflokki 16 ára keppa 3 íslenskar telpur.  Af þeim stendur Ólöf María Einarsdóttir, GHD sig best er í 17. sæti á 29 yfir pari (88 85). Næstbest af íslensku telpunum stendur Zuzanna Korpak sig en hún hefir lokið leik í mótinu á 54 yfir pari (94 90 86) en hún bætti sig með hverjum hring. Gerður Hrönn Ragnarsdóttir, GR, hætti keppni.

Til þess að fylgjast með stöðunni í dag, lokadeginum á mótinu í Vierumäki í Finnlandi SMELLIÐ HÉR: