10 athyglisverðustu æðisköstin í golfi

Yfirleitt þykir atvinnumönnum í golfi miður þegar félagar þeirra missa stjórn á sér úti á golfvelli. Ró- og jafnlyndi þykir meðal höfuðkosta góðs kylfings.  Góður kylfingur tekur slæmu höggunum eða slæmu gengi af jafnaðargeði og veit að það kemur alltaf dagur á eftir þann slæma!

Pádraig Harrington, er þó e.t.v. undantekningin sem sannar regluna. Hann tjáði sig um það við Irish Golf Desk að sér þættu geðluðrur og æðisköst samspilara sinna oft bara fyndin og nefndi sérstaklega tilvik sem átti sér stað í Opna breska 2007, í Carnoustie, þegar Richie Ramsay var eitthvað óánægður með tilveruna.

Harrington sagðist hafa sett niður pútt  sitt á fyrstu holu en Ramsay missti púttið af svipaðri fjarlægð. Hann var svo óánægður að hann byrjaði að blóta golfpokanum, slá í hann með kylfunni sinni og sparka í hann.  Þriðja manninum í ráshópnum, Bandaríkjamanninum David Toms mislíkaði þetta, fór til Ramsay og sagði eitthvað við hann.  Hann var í miklu uppnámi að Ramsay skyldi vera að sparka í golfpokann.

Ramsay brást ókvæða við: „Hvað kemur þér þetta við?“  Og Toms á að sögn Harrington að hafa svarað: „Nú, þetta er golfpokinn minn!“  Ramsay hafði í hugaræsingnum tekið  upp vitlausan golfpoka vegna þess að hann var sömu gerðar!!!

Hér má síðan sjá myndskeið af nokkrum (10) frægum tilvikum þegar þekktir kylfingar missa sig út á golfvelli SMELLIÐ HÉR: