Frægir kylfingar: Oliver Hardy

Litli og Stóri. Gög og Gokke. Stan Laurel og Oliver Hardy.

Vissi einhver að „Stóri“ þ.e. gamanleikarinn Oliver Hardy í gamanmyndunum vinsælu um Litla og Stóra hefði verið forfallinn kylfingur?

Oliver Hardy fæddist 18. janúar 1892 og hefði því orðið 121 árs í ár en hann dó fremur ungur eða 65 ára, þann 7. ágúst 1957.

Hann var ýmist kallaður Babe eða Ollie og kynntist golfinu fyrst 21 árs (árið 1913) og það hjá samgamanleikara sínum Larry Semon. „Ég elskaði það (golfið) strax á fyrsta deginum mínum á linksaranum“ er haft eftir Ollie. „Ég elskaði allt við leikinn …. golf var svo sannarlega leikur minn.

Daly og Feherty hvað? Þegar John Daly sló bolta úr munni þátttarstjórnandans Feherty fyrir skömmu vakti það mikla athygli en Stan Laurel og Oliver Hardy voru búnir að taka þetta atriði löngu fyrir Daly og Feherty þ.e. þegar þeir voru í tökuhlé á kvikmyndinni „Great Guns“ frá 1940.

Ollie , sem fæddist rétt hjá Augusta  í Georgíu gerðist félagi í Lakeside golfklúbbnum fræga í Kaliforníu 1931 eftir að hann var orðinn vinsæll og þekktur leikari en klúbburinn er frægur kvikmyndastjörngolfklúbbur.

Ollie var hins vegar „alvöru kylfingur“ sem spilaði með mönnum á borð við WC Fields og Bing Crosby og var oftast með skor í kringum 70.

Ollie reyndi alltaf að flýta sér í tökum þannig að hann næði a.m.k. 9 holu hring og þegar hann varð að ferðast vegna kvikmynda sinna reyndi hann alltaf að komast á erlenda golfvelli. Hann spilaði t.a.m. á Gleneagles þegar hann og „Litli“ voru í kynningarferðalagi um Skotlandi og England, 1932.

Í einni kvikmynd „Litla og Stóra“ kemur golf við sögu en það er myndin: „Should Married Men Go Home?“ (1928).  Hér er um þögla mynd að ræða enda 85 ára. Gaman að sjá golftískuna á þeim tíma.  Sjá má myndina í fullri lengd með því að SMELLA HÉR: