Ragnheiður Jónsdóttir | desember. 18. 2013 | 20:00

Wie kýldi Gary Player í magann!

Í janúar hefti Golf Digest 2014 skrifar Michelle Wie skemmtilega grein þar sem hún lýsir m.a. tilvikinu þegar Gary Player bað hana um að kýla hann í magann!  Sjá grein Michelle Wie með því að SMELLA HÉR: 

Grípum niður í grein hennar:

„Ég hitti Gary Player í móti. Út í bláinn segir hann: „Michelle, kýldu mig í magann.“ Ég vildi ekkert slá hann, þannig að ég svona meira potaði í magann á honum. Hann segir:„NEI! Ég vil að þú virkilega sláir mig! Hann breikkar stöðuna og spennir magann. Nú slæ ég hann eins fast og ég get. Ég er enginn slagsmálahundur, en ég kýldi hann eins fast og ég gat. Ég meiddi mig í hendinni. Hann blikkaði ekki einu sinni. Hann benti á magann á sér og sagði: „Þetta skila 1000 magaæfingar (sit-ups) á dag mér og labbaði burt.“

Það er fyndið að hugsa til þess að Wie hafi potað í magann á Player, reyndar enn fyndnara en það sem raunverulega gerðist.

Annars kemur ýmislegt fróðlegt fram í þessari löngu grein Michelle Wie, m.a. saga af því þegar Natalie Gulbis fékk hana næstum til að gráta og síðan í annan stað að draumur Michelle er að spila á the Masters.