Ragnheiður Jónsdóttir | júní. 27. 2013 | 17:30

Wie á slæmu skori á US Women´s Open

Svo virðist sem framhald ætli að verða á slæmu keppnistímabili hjá Michelle Wie.

Wie, sem enn á eftir að sigra á 1. risamóti sínu á LPGA byrjaði illa á US Women´s Open í gær.

Michelle hóf leik á par-4 10. holunni í Sebonack golfklúbbnum og byrjaði á að fá snjókerlingu, þ.e. fjórfaldan skolla 8 högg. Síðan fylgdu í kjölfarið skolli á 14. holu og tvöfaldur skolli á 15. holu og var hún þá þegar komin neðarlega á skortöfluna.

Það leit allt svo vel út fyrr í mánuðnum þegar hún var búin að vera jafn öðrum í 9. sæti á tveimur mótum í röð – sem eru fyrstu topp 10 niðurstöður hennar árið 2013 – en hún er nú komin á Long Island eftir að hafa ekki komist í gegnum niðurskurð á Walmart mótinu í Arkansas s.l. helgi.

Keppnistímabilið hefir verið hræðilegt fyrir Wie, en hún hefir í 6 skipti ekki komist í gegnum niðurskurð og ef fer sem horfir þá verður þetta 7. niðurskurðurinn, sem hún kemst ekki í gegnum.

Wie hefir líka verið í frjálsu falli á Rolex-heimslista kvenna í golfinu en þegar hún hóf feril sinn 2006, þá 16 ára var hún í 3. sæti listans. Nú er hún fallin niður í 82. sætið.

Fyrir utan framangreinda tvo T-9 árangra er eini árangur hennar á mótum það er af er ársins meðal 40 efstu T-28 á LPGA Lotte Championship.

Wie lauk fyrsta hring á US Women´s Open á 9 yfir pari, 80 höggum og er meðal allra neðstu af þeim sem lokið hafa keppni.

Inbee Park frá Suður-Kóreu leiðir af þeim sem lokið hafa keppni er á 5 undir pari, 66 höggum, en fjölmargar eiga eftir að ljúka leik.

Stöðufrétt eftir 1. dag US Women´s Open kemur hér á Golf 1 síðar í kvöld.

Fylgjast má með stöðunni á 1. hring á US Women´s Open með því að SMELLA HÉR: