Ragnheiður Jónsdóttir | maí. 21. 2014 | 11:00

Viðtalið: Sigríður Birgisdóttir, GOS

Viðtalið í kvöld er við nýliða í golfi, konu sem nýlega er gengin er í Golfklúbb Selfoss (GOS), en hún segir GOS vera einstaklega nýliðavænan klúbb, þar sem henni og þeim sem voru að byrja í golfíþróttinni var boðinn afsláttur af félagsgjöldum og 14 kennslustundir hjá frábærum golfkennara. Hér fer viðtalið :

Fullt nafn:   Sigríður Birgisdóttir.

Klúbbur:   GOS

Hvar og hvenær fæddistu?    Í Stokkhólmi, 1. apríl 1960.

Hvar ertu alin upp?    Í þorpinu í Mývatnssveit en pabbi var framkvæmdarstjóri Kísiliðjunnar.

Í hvaða starfi/námi ertu?  Ég er hús-og sundlaugarvörður.

Hverjar eru fjölskylduaðstæður og spilar einhver í fjölskyldunni golf?    Það er fullt af frændfólki sem spilar golf, foreldrar mínir og síðan bóndinn, Snorri Finnlaugsson.  Dóttir mín hefir farið með en stundar golfið ekki.

Hvenær byrjaðir þú í golfi?  Vorið 2013.

Hvað varð til þess að þú byrjaðir í golfi?    Útiveran og hreyfingin voru hvatinn og þetta heillaði mig.

Hvort líkar þér betur við skógar- eða strandvelli?  Gæti trúað því að mér líki strandvellir betur – mér finnst þægilegt að sjá í kringum mig og þar sem ég get ekki alveg stjórnað boltanum svona ný, held ég að auðveldara sé að spila þá. Ég hef ekki verið mikið á skógarvöllum.

Hvort líkar þér betur holukeppni eða höggleikur?    Ég hef aldrei spilað holukeppni, þannig að ég segi höggleikur en hef ekki tekið þátt í mörgum mótum.

Hver er uppáhaldsgolfvöllur/vellir á Íslandi?   Svarfhólsvöllur, ég þekki hann og líður best á honum. Mér finnst líka gaman á Gufudalsvelli og Strandarvelli á Hellu.

Hvað hefir þú spilað marga velli á Íslandi?     8 velli.

Hver er uppáhaldsgolfvöllur/vellir hvar sem er í heiminum?   Viillages í Orlandó Flórída.  Síðan sá ég Arnold Palmer völl í sjónvarpi sem mér fannst flottur en á honum voru steingeitur.

Hver er sérstæðasti golfvöllur sem þú hefir spilað á og af hverju?   Sérstæðasti golfvöllur er Geysisvöllurinn vegna kjarrsins,  sem er mikill boltagleypir.

Hvað ertu með í forgjöf?    Ég er með fulla forgjöf, 40.

Hvert er lægsta skorið þitt í golfi og hvar/á hvaða velli náðir þú því?    Ég man ekki  skorið var en það lægsta hefur sennilega verið á Svarfhólsvelli.

Hvert er helsta afrekið þitt til dagsins í dag í golfinu?   Að ná pari.

Hefir þú farið holu í höggi?   Nei, ekki enn.

Spilar þú vetrargolf?  Já, við vorum að spila á Arkarvelli (hjá Hótel Örk) – en aðallega æfir maður púttin og chippin innanhúss á vetrum,  bæði í Hamarshöllinni og niður á Eyrarbakka.

Hvaða nesti ertu með í pokanum?   Vatn, banana og orkustöng.

Hefir þú tekið þátt í öðrum íþróttum?     Hestaíþróttinni.

Hver er uppáhaldsmaturinn þinn?  Ítalskur matur.  Uppáhaldsdrykkur?   Vatn , sódavatn og Egils appelsín; Uppáhaldstónlist? Ég er alæta allt nema blús, djass og hard rock, þægileg og róleg músík er í uppáhaldi; Uppáhaldskvikmynd?  Titanic og Forest Gump  Uppáhaldsbók?  Flugdrekahlauparinn eftir Khaled Hosseini og Uppáhaldsgolfbók?    Reglubókin.

Notarðu hanska og ef svo er hverskonar?  Já, ég nota Nike hanska.

Hver er uppáhaldskylfingurinn þinn nefndu 1 kvenkylfing og 1 karlkylfing?    Ég dáist að Phil Mickelson – hann er þrautseigur að taka þátt og Lexi Thompson.

Hvert er draumahollið?   Ég og….  (nefna 3 kylfinga)  maðurinn minn (Snorri Finnlaugsson, GOS), pabbi (Birgir Guðmundsson, GÁ) og Phil Mickelson.

Hvað er í pokanum hjá þér og hver er uppáhaldskylfan þín?    Er með hálft sett og uppáhaldskylfan er 6-an.

Hefir þú verið hjá golfkennara – ef svo er hverjum?   Hlyni Geir og Bergi.

 

Hver er besti golfkennari á Íslandi? Hlynur Geir að öðrum ólöstuðum, en hann hefir kennt mér mest og ég hef verið lengst hjá honum.

Ertu hjátrúarfull í golfinu og ef svo er hvernig birtist það?    Ég er hjátrúarfull en hef ekki náð að mynda mér neina hjátrú í golfinu. Spurning hvort ekki komi að því?

Hvert er meginmarkmið í golfinu og í lífinu?     Meginmarkmiðið er að verða góður kylfingur í golfinu og verða betri manneskja í lífinu.

Hvað finnst þér best við golfið?     Hreyfingin og útiveran.

Hversu há prósenta af golfinu hjá þér er andleg (í keppnum)?  55%.

Ertu með gott ráð sem þú getur gefið kylfingum?   Að vera þolinmóður.

Hver eru markmiðin hjá þér fyrir næsta sumar?  Að vera dugleg að æfa fyrir Flórídaferðina.