
Viðtalið: Gísli Sveinbergsson, GK.
Viðtalið í kvöld er við sigurvegara í flokki 15-16 ára drengja á 1. móti Unglingamótaraðar Arion banka, 20. maí s.l., Gísla Sveinbergsson, úr Golfklúbbnum Keili í Hafnarfirði. Fyrsta mótið á Unglingamótaröð Arion banka 2012 fór fram á Garðavelli þeirra Leynismanna á Akranesi. Gísli var á besta skori allra þátttakenda eftir 1. keppnisdag, spilaði Garðavöll á 71 glæsihöggi eða -1 undir pari og lauk keppni sem sigurvegari í sínum aldursflokki, á 3. besta skori allra keppenda (71 77).
Gísli varð stigameistari á Unglingamótaröð Arion banka í flokki 14 ára og yngri árið 2011; varð m.a. Íslandsmeistari í holukeppni.
Gísli er í afrekshóp GSÍ og er einn þeirra, sem fór í æfingaferð til Eagle Creek í Flórída fyrr í vetur.

Gísli Sveinbergsson, GK, slær af teig á Hamarsvelli í Borgarnesi þegar hann varð Íslandsmeistari í holukeppni í flokki 14 ára og yngri, 2011. Mynd: helga66.smugmug.com
Hér fer viðtalið við Gísla:
Fullt nafn: Gísli Sveinbergsson.
Klúbbur: Golfklúbburinn Keilir.
Hvar og hvenær fæddistu? Ég fæddist í Reykjavík árið 1997.
Hvar ertu alinn upp? Í Hafnarfirði.

Gísli Sveinbergsson, GK, ásamt afa sínum og kaddý á 1. móti Unglingamótaraðar Arion banka að Hellu 21. maí 2011. Mynd: Golf 1
Hverjar eru fjölskylduaðstæður og spilar einhver í fjölskyldunni golf? Amma og Afi drógu mig í golfið.
Hvenær byrjaðir þú í golfi? Ég byrjaði þegar ég var svona 5, en alvaran tók við þegar ég var 9.
Hvað varð til þess að þú byrjaðir í golfi? Amma og Afi.
Hvað starfar þú /ef í námi: í hvaða skóla/námi ertu? Ég er í Öldutúnsskóla.
Nú sigraðir þú upp á Skaga s.l. helgi á Unglingamótaröð Arion banka í flokki 15-16 ára drengja – hvernig verður maður svona góður í golfi eins og þú? Æfa eins mikið og maður getur.
Lýstu tilfinningunni þegar ljóst var að þú hefðir unnið? Ég var mjög ánægður.

Gísli Sveinbergsson gengur af 18. flöt á Garðavelli – sigurvegari í flokki 15-16 ára drengja á Unglingamótaröð Arion banka 20. maí 2012. Mynd: Golf 1
Finnst þér þátttaka í æfingaferðum og mótum erlendis vera að skila sér?… og hversu mikilvægt telur þú að slíkar ferðir séu ungum kylfingum? Hef aldrei keppt í mótum erlendis, en það er mjög gott að fara í æfingaferðir, aðlagast grasinu og svona.
Hvað æfir þú mikið á dag? Myndi segja u.þ.b 2-3 tíma á veturna og svo er ég bara alla daga á sumrin, bara misjafnt hvað ég er lengi.
Hvort líkar þér betur við skógar- eða strandvelli? Skógarvelli.
Hvort líkar þér betur holukeppni eða höggleikur? Höggleikur.
Hver er uppáhaldsgolfvöllur/vellir á Íslandi? Leynir, Þverárvöllur, Korpan, Þorlákshöfn, Kiðjarberg og Urriðavöllur.
Hver er uppáhaldsgolfvöllur/vellir hvar sem er í heiminum? Lake Nona.
Hvað ertu með í forgjöf? 3,5
Hvert er lægsta skorið þitt í golfi og hvar/á hvaða velli náðir þú því? -3 á Leirdalsvelli.
Hvert er helsta afrekið þitt til dagsins í dag í golfinu? Stigameistari 2011.
Hefir þú farið holu í höggi? Nei ekki ennþá, en það kemur að því.
Hvaða nesti ertu með í pokanum? 3 brauðsneiðar, banana og 3 trópi.
Hefir þú tekið þátt í öðrum íþróttum? Já, handbolta og fótbolta.
Hver er uppáhaldskylfingurinn þinn nefndu 1 kvenkylfing og 1 karlkylfing? Yani Tseng og Tiger Woods.

Ísak Jasonarson og Gísli Sveinbergsson, báðir í GK, á Páskamóti Hellishóla, 7. apríl 2012. Mynd: Golf 1
Hvert er draumahollið? Tiger Woods, Luke Donald og Rory Mcilroy.
Hvað er í pokanum hjá þér og hver er uppáhaldskylfan þín? Pútter, 58°, 54°,50°,pw,9,8,7,6,5,4,fimm tré, þrjú tré og driver. Allar kylfurnar eru uppáhalds.
Hefir þú verið hjá golfkennara? Já.
Ertu hjátrúarfullur? Já, myndi segja það.
Hvert er meginmarkmið í golfinu og í lífinu? Verða númer eitt í heimi og vera góður við alla.
Hversu há prósenta af golfinu hjá þér er andleg (í keppnum)? Ég er ekki viss, ætli það sé ekki svona 30 prósent.
Að lokum: Ertu með gott ráð sem þú getur gefið kylfingum? Æfa eins mikið og þau geta.
- febrúar. 23. 2021 | 22:00 Tiger lenti í bílslysi í Genesis GV80
- febrúar. 2. 2021 | 16:00 Afmæliskylfingur dagsins: Jenny Sigurðardóttir – 2. febrúar 2021
- febrúar. 1. 2021 | 18:00 PGA: Reed sigraði á Farmers Insurance Open
- febrúar. 1. 2021 | 16:00 Afmæliskylfingur dagsins: Hildur Kristín Þorvarðardóttir – 1. febrúar 2021
- febrúar. 1. 2021 | 08:00 Evróputúrinn: Casey sigraði á Omega Dubai Desert Classic
- janúar. 31. 2021 | 16:00 Afmæliskylfingur dagsins: Justin Timberlake – 31. janúar 2021
- janúar. 30. 2021 | 20:00 Golfgrín á laugardegi (5/2021)
- janúar. 30. 2021 | 16:00 Afmæliskylfingur dagsins: Payne Stewart ——- 30. janúar 2021
- janúar. 29. 2021 | 16:00 Afmæliskylfingur dagsins: Erlingur Snær Loftsson – 29. janúar 2021
- janúar. 29. 2021 | 14:45 Evróputúrinn: Detry leiðir í hálfleik á Omega Dubai Desert Classic
- janúar. 28. 2021 | 16:00 Afmæliskylfingur dagsins: Þórður Sigurel Arnfinnsson – 28. janúar 2021
- janúar. 28. 2021 | 12:00 Greg Norman selur „húsið“ sitt í Flórída
- janúar. 27. 2021 | 16:00 Afmæliskylfingar dagsins: Bryce Moulder og Mike Hill – 27. janúar 2021
- janúar. 26. 2021 | 16:00 Afmæliskylfingur dagsins: Karine Icher —— 26. janúar 2021
- janúar. 26. 2021 | 07:30 PGA Championship fer fram í Southern Hills 2022 í stað Trump Bedminster