Ragnheiður Jónsdóttir | janúar. 9. 2014 | 09:00

Tiger fór yfir $1,3 billjóna markið

Tiger Woods er sá íþróttamaður sem þénaði mest í heiminum á árinu 2013 s.s. Golf 1 greindi frá fyrir skemmstu – sjá með því að SMELLA HÉR: 

Upphæðunum sem Tiger á að hafa unnið sér inn skv. ofangreindri heimild ber ekki alveg saman við þær upplýsingar sem Golf Digest hefir og greint er frá hér að neðan. En munurinn $ 5 milljónir skiptir litlu – Nr. 1 á heimslistanum, Tiger, er eftir sem áður lang tekjuhæstur, hvort sem er yfir heildina, þ.e. meðal allra íþróttamanna í heiminum eða þegar bara eru teknar tekjur atvinnukylfinga á PGA túrnum allt frá upphafi eða bara tekjur kylfinga á árinu 2013.

Tiger  náði einnig nýju meti á s.l. ári, 2013,  þegar hann fór yfir 1,3 billjón dollara (u.þ.b. 152 milljarða ísl. kr.) markið í heildartekjur yfir allan keppnisferil sinn.  (Skrifist: 152.000.000.000 íslenskar krónur) 1 bandarísk billjón er nefnilega 1 íslenskur milljarður, hugtakslega séð, þar sem hugtakið milljarður er ekki til í Bandaríkjunum. – Eins er gott að rifja upp að 1 íslenskur milljarður = 1 bandarísk billjón  = 1000 milljónir en 1 íslensk billjón eru 1000 íslenskir milljarðar – Í fyrirsögn er átt við 1,3 bandaríska billjón.   Heildartekjur á ferli Tigers eru því  $1.300.000.000,- eða 1300 milljón bandaríkjadala, sem hann hefir unnið sér inn yfir 18 ára tímabil frá árinu 1996 (þar af vann hann sér inn $ 83 milljónir s.l. ár, 2013!

Skv. Golf Digest var Tiger með $ 83 milljón dollara tekjur á árinu 2013 (þar af hlaut hann skv. tímaritinu $71 milljón í tekjur utan vallar og $12 milljónir í verðlaunafé í golfmótum).

Aðrir á lista Golf Digest yfir tekjuhæstu kylfinga á árinu 2013 eru: Í 2. sæti er Phil Mickelson ( $52,009,156); í 3. sæti er Arnold Palmer ( $40 milljónir – þó hann sé hættur öllu keppnisgolfi að mestu!); í 4. sæti er Jack Nicklaus ($ 24 milljónir); í 5. sæti er Henrik Stenson ($21,444,670); í 6. sæti er Rory McIlroy ($20,608,789) og loks í 7. sæti er golfgoðsögnin Gary Player ($16 milljónir) og Adam Scott var síðan í 8. sæti  ($15,648,068).  Ernie Els og Greg Norman voru síðan einnig á topp-10.

Ryo Ishikawa var tekjuhæsti kylfingurinn frá Asíu þ.e. í 26. sæti  ($7,983,146) en þar af voru $6.5 milljónir í tekjur utan vallar.

Paula Creamer var eini kvenkylfingurinn, sem komst á topp-50 lista Golf Digest  að þessu sinni og var í 48. sæti ( $5,281,550) – þar af var hún með  $4.5 millljónir í tekjur utan vallar, árið 2013. (Í fyrra var Yani Tseng í nákvæmlega sama sætinu þ.e. 48. sætinu. Þá var Paula í 44. sætinu og fer því aðeins niður listann í ár – hvað sem því veldur!)

Til þess að sjá listann yfir 50 tekjuhæstu kylfingana árið 2013 skv. Golf Digest SMELLIÐ HÉR: