Sveitakeppni eldri kylfinga: „Strákarnir í Sandgerði“ Íslandsmeistarar í 2. deild eldri karla – spila í 1. deild að ári!!! – myndasería

Keppni í 2. deild fór fram í Stykkishólmi og þar sigraði sveit GSG í karlaflokki eftir hörkuleik við sveit GKG þar sem síðustu tvær viðureignirnar enduðu með bráðabana á 19. holu. Í þeim báðum höfðu Sandgerðingarnir Ásgeir Eiríksson og Erlingur Jónsson betur við andstæðinga sína í GKG þá Andrés I Guðmundsson og Tómas Jónsson.

Ragnar Geir Hilmarsson og Gunnar Árnason, GKG sigruðu þá Þorvald Kristleifsson og Skafta Þórisson, GSG sannfærandi í fjórmenningi 5&4 og Guðmundur Einarsson, framkvæmdastjóri GSG tapaði sínum leik í tvímenningnum fyrir Hlöðveri Sigurgeiri Guðnasyni. Þetta voru einu vinningar GKG en fimmti leikurinn, viðureign Helga Hólm, GSG og Kjartans Guðjónssonar, GKG lauk 6&5.

Því vann sveit GSG, sveit GKG í hörkuspennandi viðureignum eins og áður segir 3-2.

Sigursveit Íslandsmeistara GSG í 2. deild eldri karla var svo skipuð: Ásgeir Eiríksson, Erlingur Jónsson, Guðmundur Einarsson, Helgi Hólm, Skafti Þórisson og Þorvaldur Kristleifsson.

Sveit GKG sem varð í 2. sæti í sveitakeppni GSÍ. Mynd: Helgi Hólm.

Í sveit GKG voru hins vegar: Andrés I. Guðmundsson, Gunnar Árnason, Hlöðver Sigurgeir Guðnason, Kjartan Guðjónsson, Ragnar Geir Hilmarsson og Tómas Jónsson.

Báðar sveitir, sveit GSG og GKG spila þó í 1. deild að ári en sveitir GO og GÖ féllu í 2. deild.

Úrslit í sveitakeppni GSÍ 2012, 2. deild eldri karla eru eftirfarandi:

2. deild karla eldri kylfinga:
1. Golfklúbbur Sandgerðis
2. Golfklúbbur Kópavogs og Garðabæjar
3. Golfklúbbur Borgarness
4. Golfklúbburinn Kjölur
5. Golfklúbburinn Leynir
6. Golfklúbbur Flúða
7. Golfklúbbur Selfoss
8. Golfklúbburinn Mostri

Til þess að sjá myndaseríu frá sveitakeppni GSÍ í 2. deild karla og kvenna sem fram fór á Víkurvelli í Stykkishólmi hjá GMS og fallegar myndir Helga Hólm af Stykkishólmi  SMELLIÐ HÉR: