Sigursveit GKG 2012 í flokki pilta 18 ára og yngri. Mynd: Hilmar Halldórsson.
Ragnheiður Jónsdóttir | ágúst. 24. 2013 | 12:30

Staðan í sveitakeppni 18 ára og yngri pilta eftir 1. dag

Í gær hófst á Strandarvelli á Hellu sveitakeppni 18 ára og yngri pilta.  Núverandi Íslandsmeistarar 2012  í flokki 18 ára og yngri pilta er A- sveit GKG.

Fimm viðureignir sveitanna fóru fram í gær, en svo virðist sem viðureignir  sveitar GO og B-sveitar GKG hafi ekki farið fram og B-sveit GK sat hjá.  Úrslitin í leikjunum 5 voru eftirfarandi:

1. B-sveit GR g. GA 3-0

B-sveit GR vann alla leiki sína gegn sveit Norðanmanna í GA. Þeir Arnór Harðarson og Einar Snær Ásbjörnsson í sveit GR unnu þá Eyþór Hrafnar Ketilsson og Víði Steinar Tómasson, í sveit GA 2&0.  Ástgeir Ólafsson, GR vann Tuma Hrafn Kúld, GA nokkuð stórt eða 6 &5 og Theodór Ingi Gíslason vann Ævarr Freyr Birgisson 2&1.

2. A-sveit Keilis g. sveit GB/GL 3-0

A-sveit Golfklúbbsins Keilis vann sömuleiðis alla leiki sína í piltaflokki. Þeir Ísak Jasonarson og Orri Bergmann Valtýsson í sveit Keilis unnu þá Arnór Tuma Finnsson og Friðrik Berg Sigþórsson í sveit GB/GL 6&5.  Birgir Björn Magnússon, GK vann sinn leik gegn Sindra Snæ Alfreðssyni 8&6 og Gísli Sveinbergsson, GK vann sinn leik gegn Þorkatli Má Einarssyni 7&6.

3. A-sveit GKG g. GSS 3-0

Íslandsmeistararnir í A-sveit GKG unnu alla leiki sína gegn sveit Golfklúbbs Sauðárkróks.   Aron Snær Júlíusson og Óðinn Þór Ríkharðsson í sveit GKG unnu leik sinn gegn þeim Hlyn Frey  Einarssyni og Jónasi Má Kristjánssyni, í sveit GSS 5&4. Kristófer Orri Þórðarson vann sinn leik í tvímenningnum gegn Elvari Inga Hjartarsyni 8&7 og Ragnar Már Garðarsson vann sinn leik gegn Arnari Geir Hjartarssyni 3&2.

4. A-sveit GR g. GKJ 3-0

A-sveit GR vann alla leiki sína gegn sveit GKJ í 1. umferð. Þeir Bogi Ísak Bogason og Ernir Sigmundsson í sveit GR unnu í fjórmenningi gegn þeim Elís Rúnari Elíssyni og Daníel Andra Karlssyni 4&2. Í tvímenningsleikjunum unnu sveitarmeðlimir úr GR sömuleiðis þ.e. Kristinn Reyr Sigurðsson, GR vann Guðna Val Guðnason 4&3 og Stefán Þór Bogason, GR vann leik sinn gegn Birni Óskari Guðjónssyni 2&1.

5. Sveit NK g. sveit GHG og GOS  2-1

Þeir Gunnar Geir Baldursson og Bragi Þór Sigurðsson í sveit NK unnu í fjórmenningi gegn þeim Birgi Busk Steinarssyni og Guðjóni Auðunssyni, en sigurinn var naumur, leikar fóru á 19. holu, þar sem sveit NK hafði betur.  Andri Páll Ásgeirsson í sveit GHG og GOS vann leik sinn gegn Eiður Ísak Broddasyni, NK 3&2 og Sigurður Örn Einarsson, NK vann sinn leik naumlega gegn Símon Leví Héðinssyni 1&0.