Sólskinstúrinn: Hennie Otto leiðir á SA Open fyrir lokahringinn

Það eru 4 Suður-Afríkubúar, sem hafa raðað sér í efstu sætin á South African Open og þeirra fremstur í 1. sæti er Hennie Otto. Fyrir lokahringinn, sem spilaður verður á morgun er Hennie á samtals -14 undir pari, er búinn að spila á samtals 202 höggum (70 67 65) þ.e. verður sífellt betri.  Í dag byrjaði Hennie hægt fékk 3 fugla á fyrri 9, en því miður líka 2 skolla. Svo byrjaði flugeldasýningin á seinni níu: fyrst fékk Hennie fugl á 9. síðan örn á 10. Hann spilaði skollafrítt það sem eftir var og fékk þar að auki 3 fugla til viðbótar. Frábær hringur hjá þessum sigurvegara Platinum Classic í MooiNooi, fyrr á árinu – en 2011 er búið að vera gott ár fyrir Hennie og gæti orðið betra… en það kemur ekki í ljós fyrr en á morgun!

Það eru síðan 3 landar Hennie sem deila 2. sætinu: Retief Goosen (66 68 71); Garth Mulroy, sigurvegari Alfred Dunhill mótsins (67 68 70) og Thomas Aiken (68 69 68), sem búinn er að spila jafnt og gott golf ásamt Svíanum Magnus A. Carlson (73 66 66).

Til þess að sjá stöðuna á SA Open að öðru leyti eftir 3. dag smellið HÉR: