Rory úr öskunni í eldinn

Rory McIlroy gekk s.s. allir muna af velli á Honda Classic í mars og bar við tannpínu, hann komst ekki í gegnum niðurskurð á Opna breska risamótinu í sumar eftir 1. hring upp á 79.

En á engum punkti í þessari lægð sem Rory er í hefir hann fylgt slæmum hring upp á 70 og eitthvað súperhátt, s.s. í fyrradag 78 eftir með svipuðum hring þ.e. 77 í gær.

Hæsta skor hans á keppnistímabilinu var á 3. hring The Masters, 79 högg en fyrstu tveir hringir hans í BMW Championship á Conway Farms eru versti samanlagði „árangur“ Rory í ár.

Frá því í febrúar á þessu ári hefir Rory, (fyrrum heimsins besti kylfingur) aðeins 4 sinnum verið meðal efstu 10 og er besti árangur hans 2. sætið á Valero Texas Open í apríl. Þá héldu enn allir að allt væri á uppleið hjá honum, það tæki aðeins smá tíma fyrir hann að venjast nýju Nike kylfunum, en hann virðist síðan þá bara hafa farið úr öskunni í eldinn. Og úr 1. sæti heimslistans í 4. sætið!

Á hringnum slæma í gær fékk Rory 4 skolla og 1 skramba  á fyrri 9 og tók það pínulítið tilbaka með 1 fugli.  Seinni 9 voru litlu betri en þar voru skollar Rory  þó „aðeins“ 2 og hann fékk 1 fugl.   Útkoman 77 högg og samtals með slæma skorinu daginn áður upp á 78 högg  þ.e. 155 höggum er Rory í 3. neðsta sætinu, þ.e. 68 sætinu af þeim 70 sem keppa í BMW Championship.

Nokkuð öruggt er að Rory er ekki einn af þeim 30 sem þátt taka í Tour Championship.