Rory: „Ég gat bara ekki meir!“

Það er komið að því: Honda Classic er hafið.

Rory McIlroy hefir snúið aftur til keppni til staðar þar sem hann hefir unnið einn mesta sigur sinn… en kannski líka beðið mesta ósigur sinn sem atvinnumaður.

Fyrir tveimur árum sigraði McIlroy á Honda Classic, en aðeins fyrir ári síðan gekk hann af velli með lélegt spil og viðkvæma sál.

„Maður ætti aldrei að hætta keppni, sama hversu slæmur leikurinn er,“ sagði Rory eftir Honda Classic Pro-Am keppnina nú. „Þetta var bara einn af þessum dögum þar sem mér fannst ég ekki geta tekist á við allt; sérstaklega ekki þangað sem ég stefndi; í það að vera á 90 höggum, það var það síðasta sem ég þarfnaðist.“

Rory auðvitað ýkir … skor hans hefði aldrei farið mikið yfir 80, en hann átti bara erfitt á þessum tíma. Hann hafði skrifað undir ábatasaman auglýsasamning við Nike, skipti um allar 14 kylfurnar í pokanum og átti framundan lagaþref og deilur.

Við þetta allt blönduðust síðan væntingarnar sem gerðar voru til 23 ára stráksins, sem sigrað hafði 5 sinnum árið áður og var nr. 1 á heimslistanum.

„Það var margt í gangi á þessum tíma,“ sagði Rory. „Leikur minn var ekki þar sem ég vildi að hann væri. Andlega var ég heldur ekki þar sem ég vildi vera. Það var margt sem ég var að hugsa um, sem var líklega óþarfi en þetta var bara erfiður tími.“ „Ég gat bara ekki meir!“

Rory hefir runnið niður í 8. sæti á heimslistanum, en líður betur með leik sinn eftir sigur í Ástralíu í lok 2013 og eftir að hafa verið ofarlega á mótum Evróputúrsins, snemma á þessu ári.

Í síðustu viku datt Rory út í 2. umferð á heimsmótinu í holukeppni (ens. WGC-Accenture Match Play Championship). Samt er hann bjartsýnn.

„Þetta er allt öðruvísi í ár,“ sagði Rory. „Mér líður miklu betur. Ég er á betri stað og finnst leikur minn vera góður … Þetta á allt eftir að smella.“

Hér má m.a. sjá myndskeið ESPN, sem fylgdi ofangreindri þýddri grein þeirra SMELLIÐ HÉR: