Ragnheiður Jónsdóttir | nóvember. 20. 2013 | 18:00

R&A og USGA samþykkja breytingar á golfreglum

Sem hluta viðvarandi skuldbindingar til þess að skapa meiri gegnsæji á golfreglunum tilkynntu R&A og USGA, reglusetningaryfirvöld golfíþróttarinnar, í gær breytingar á 2012-2013 útgáfu golfregluákvarðananna.

Breytingarnar eru hluti af tveggja ára endurskoðun á ákvörðununum og ganga þessar breytingar í gildi 1. janúar 2014. „Ákvarðanir varðandi golfreglurnar 2014-2015″ innihalda meira en 1200 dæmi um tiltekin atvik, sem snerta golfreglurnar.

Alls hafa 87 breytingar verið gerðar á Ákvarðannabókinni 2012-2013; 3 nýjar ákvarðanir taka gildi, 59 hefir verið breytt, ein ákvörðun hefir hlotið nýja tölusetningu meðal golfreglnanna og 24 ákvarðanir hafa verið felldar úr gildi.

„Golfreglurnar eru í stöðugri þróun“  sagði Thomas Pagel, yfirframkvæmdastjóri USGA hvað snertir golfreglurnar.

„Endurskoðunin á ákvörðunum er tækifæri fyrir R&A og USGA til þess að hjálpa til við að gera (golf) leikinn skiljanlegri og aðgengilegri fyrir leikmenn, yfirmenn innan golfíþróttarinar og annarra sem taka þátt í leiknum.“

David Rickman, framkvæmdastjóri R&A hvað snertir reglur og stöðlun á reglum varðandi (golf)útbúnað sagði m.a.: „Það er mikilvægt að íhuga vandlega nýja þróun í leiknum, sem endurspeglast í ákvörðunum og sem veitir meiri skýrleika á notkun smartsíma og annarrar framúrstefnulegrar vídeótækni.“

Meðal breytinganna á reglunum 2014-2015 eru 4 ákvarðanir sérstaklega eftirtektarverðar:

* Ný ákvörðun 14-3/18 staðfestir að leikmenn megi athuga veðurspár í smartsímum á hring án þess að um reglubrot sé að ræða. Mikilvægt er að þessi ákvörðun segir skýrt að leikmönnum sé heimilt að leita upplýsinga þegar von er á stormi til verndar eigin öryggis.

* Ný ákvörðun 18/4 felur í sér að þar sem ný tækni  (s.s.. HDTV, digital upptökur eða online visual media, o.s.frv.) sýnir að boltinn hafi færst til og sé í annarri stöðu þá dæmist svo að boltinn muni ekki hafa hreyfst ef sú hreyfing var ekki sjáanleg með berum augum á þeim tíma.  R&A og USGA hafa gefið út sameiginlega yfirlýsingu um notkun vídeó og sýnilegra sönnunargagna, til þess að útskýra nánar afstöðu ráðamanna til notkunnar þessarar tækni.

* Breytt ákvörðun  25-2/0.5 hjálpar til við að skýra þegar bolti er talinn fastur í jörð („plöggaður“) með notkun skýringateikninga.

* Breytt ákvörðun 27-2a/1.5 leyfir leikmanni að fara áfram u.þ.b. 50 yarda (46 metra) án þess að tapa rétti sínum til þess að ganga tilbaka og leika varabolta.

Heildartexta um breytingar á golfreglunum og ofangreinda sameiginlega yfirlýsingu má finna á  www.RandA.org og www.usga.org