Ragnheiður Jónsdóttir | nóvember. 21. 2013 | 18:00

Poulter og Stenson með útvarpsþætti

Ian Poulter og Henrik Stenson eru vinir innan vallar sem utan, sem berlega kom í ljós í skemmtilegu veðmáli þeirra á lokamóti Evrópumótaraðarinnar  í Dubai, en til að krydda aðeins upp á dæmið veðjuðu þeir upp á $ 100 dollara hvor þeirra yrði ofar á skortöflunni, auk þess sem sá sem varð neðar varð að vera þjónn hins eina kvöldstund.

Svo sem allir vita lenti Poulter í þjónshlutverkinu.

Nú hafa þessir kappar samþykkt að stjórna hvor sínum útvarpsþætti á SiriusXM PGA Tour Radio á næsta ári.

Þar munu þeir ræða um ýmis golftengd efni þ.á.m. golfvelli, golfútbúnað, undirbúning fyrir mót og félaga sína á PGA Tour og það sem þeim dettur í hug hverju sinni.

„Þeir sem þekkja mig vita að ég ligg aldrei á skoðunum mínum,“ sagði Poulter m.a. „Að vera með með minn eiginn útvarpsþátt á SiriusXM mun eflaust verða skemmtilegt.

Stenson á hinn bóginn sagði m.a. eftirfarandi: „Þetta hefir verið ótrúlega gott ár fyrir mig, sannarlega draumakeppnistímabil. Ég hlakka til að vera á SiriusXM og deila hugsunum mínum um golf og einstakri reynslu minni um allan heim.“