PGA: Patrick Reed sigraði á Humana Challenge

Það var bandaríski kylfingurinn Patrick Reed sem sigraði, engum að óvörum, á Humana Challenge mótinu í Kaliforníu.

Reed var þar áður búinn að slá met frá árinu 1967 um lægsta meðaltalsskor í PGA Tour móti eftir 54 holur, 27 undir pari (þ.e. 3x 9 undir pari þ.e. 3 hringir upp á 63 högg!).

Reed er þekktur á PGA fyrir að vera með kærustu sína á pokanum – hún heldur honum að hans sögn rólegum …. og ekki vanþörf á því lokahringinn, þar sem taugastrekkings gætti í leik hans miðað við fyrri 3 dagana – en hann spilaði lokahringinn á 1 undir pari, 71 höggi – versti hringurinn af öllum 4!  Á hringnum fékk Reed 5 fugla og 4 skolla. 8 högga sveifla milli hringja.

Samtals spilaði Patrick Reed sigurvegari Humana Challenge á 28 undir pari, 260 höggum (63 63 63 71).

Aðeins munaði 2 höggum á Reed og þeim sem varð í 2. sæti, bandaríska kylfingnum Ryan Palmer, sem átti lokahringinn sem Reed hefði eflaust óskað sér upp á 63 högg.  Palmer lék á samtals 26 undir pari, 262 höggum (64 65 70 63).

Lægsta skorið lokahringinn átti þó hinn sjóðandi heiti, fyrrum Masters meistari (2007)  Zach Johnson, sem þegar hefir unnið Tournament of Champions í ár – upp á 62 högg.  Zach var á samtals 25 undir pari, 263 höggum  (65 68 68 62) og deildi 3. sætinu ásamt Justin Leonard (66 67 65 65).

Til þess að sjá lokastöðuna á Humana Challenge SMELLIÐ HÉR: 

Til þess að sjá hápunkta 4. dags (lokahringsins) á Humana Challenge SMELLIÐ HÉR: 

Til þess að sjá högg 4. dags, sem var ás Ken Duke SMELLIÐ HÉR: