Ragnheiður Jónsdóttir | desember. 17. 2017 | 20:00

PGA: Paddy kominn með golfbakteríuna

Paddy Harrington, sonur írska kylfingsins Padraig Harrington er kominn með golfbakterínua eftir að hafa spilað með föður sínum í  Father-and-Son Challenge í Orlando, en mótið er á vegum PGA.

Þeir feðgar voru með 8 fugla og 2 skolla í betri bolta keppninni og voru á 6 undir pari, 66 höggum á 2. hring og samtals á 11 undir pari eftir 2 daga í þessu 2 daga móti.

Þeir Harrington feðgar urðu í 16. sæti aðeins höggi á eftir Jack Nicklaus og barnabarni hans, sem voru á 62 seinni daginn í þessu 20 liða árlegu feðga móti, sem fram fer á Grande Lakes golfvellinum.

Tvöfaldi risamótsmeistarinn argentínski Angel Cabrera sigraði ásamt syni sínum Angel Jr með samtals skor upp á 25 undir pari, 119 högg (59 60).

Þetta er í fyrsta sinn sem hinn 13 ára Paddy keppir og að leikslokum biðu móðir hans Caroline og 10 ára bróðir hans Ciaran eftir honum á 18. – en Paddy er þegar farinn að hugsa um að keppa aftur í mótinu að ári liðnum.

Þessi vika hefir verið virkilega góð og mér fannst ég spila virkilega vel þar til á síðustu 5 holunum þá hitti ég dræverinn ekki vel en þetta hefir verið frábær vika,“ sagði Paddy.