PGA: Brandt Snedeker sigraði á Farmers Insurance Open eftir umspil við Kyle Stanley

Strákurinn frá Gig Harbor, Washington State, Kyle Stanley, sem  búinn var að leiða allt mótið hélt ekki út til endaloka og glutraði niður 5 högga forystu sem hann hafði fyrir lokadaginn. Hann átti sinn versta dag á 4. hring og +2 yfir pari,  74 högg staðreynd. Þetta byrjaði samt allt svo vel með því að hann fékk fugl á 1. holu og má sjá myndskeið af frábæru fuglapútti Kyle Stanley, með því að smella HÉR:  

Kyle Stanley.

Fuglinum á 1. holu fylgdi hann eftir með öðrum á 2. holu og 6. holu en eftir það seig hins vegar á ógæfuhliðina, þegar hann fékk skolla á 8. holu, sem honum tókst þó að jafna út með fugli á 9.  Seinni 9 voru hins vegar með allra versta móti tveir skollar og snjókerling á par-5, 18. holunni litu dagsins ljós.  Eftir þennan skelfilega 4. hring var Kyle samtals á -16 undir pari, samtals 272 höggum (62 68 68 74).

Á meðan átti  Brandt Snedeker glæsihring kom inn á -5 undir pari, samtals  -16 undir pari, samtals 272 höggum (67 64 74 67) og jafnaði við Kyle og því kom til  umspils milli þeirra beggja. Spilað var á ógæfuholu Kyle Stanley 18. holunni, sem hann lék á erni, fugli og pari fyrstu 3 daga mótsins, en var rétt fyrir umspilið á skelfilegum 8 höggum. Eiginlega svínslegt að láta hann spila þá holu aftur!

Stanley bætti sig þó um helming, því  á þessari 1. holu umspilsins  fékk hann fugl  …. og Snedeker líka. Það varð því að spila aðra holu í umspilinu og par-3 16. holan sú næsta sem spiluð var.  Þar fékk Brandt Snedeker par…. en Kyle Stanley missti par-púttið sitt..

Það var því  Brandt Snedeker sem sigraði umspilið og hlýtur að launum $ 1.044.000 verðlaunatékka!

Í 3. sæti 2 höggum á eftir Stanley og Snedeker varð John Rollins á -14 undir pari, samtals 274 höggum (70 65 68 71).

Til þess að sjá úrslitin á Farmers Insurance Open smellið HÉR: