PGA: Kuchar sigraði á Memorial

Það var bandaríski kylfingurinn Matt Kuchar, sem bar sigur úr býtum á Memorial móti Jack Nicklaus í Muirfield Village, í Dublin, Ohio.

Hann var í forystu fyrir lokahringinn og hélt henni allt til loka mótsins. Kuchar lék á samtals 12 undir pari, 276 höggum (68 70 70 68).

Eftir sigurinn sagði Kuchar m.a.: „Að ganga af flöt og heilsa Hr. Nicklaus og það að hann heilsaði mér er nokkuð sem ég mun svo sannarlega aldrei gleyma.“

Í 2. sæti varð landi Kuchar, Kevin Chappell á samtals 10 undir pari, 278 höggum (71 71 68 68).

Í 3. sæti á samtals 7 undir pari varð síðan Kyle Stanley og fjórða sætinu deildu Scott Stallings og Bill Haas á samtals 6 undir pari, hvor.

Tiger lauk leik í 65. sæti, sem hann deildi með Charlie Wi og George Coetzee á 8 yfir pari og er óhætt að segja að þriðji hringurinn hafi eyðilagt alla möguleika hans að verða ofarlega í mótinu en þá spilaði hann á 79 höggum. Samtals lék Tiger á 8 yfir pari (var 20 höggum á eftir sigurvegaranum) þ.e. 296 höggum (71 74 79 72).

Til þess að sjá úrslitin á Memorial SMELLIÐ HÉR:

Til þess að sjá hápunkta 4. dags á Memorial SMELLIÐ HÉR:

Til þess að sjá högg 4. dags á Memorial SMELLIÐ HÉR: