Ragnheiður Jónsdóttir | janúar. 3. 2012 | 09:00

PGA: Hyundai Tournament of Champions hefst n.k. föstudag á Hawaii

Nú á Þrettándanum n.k., 6. janúar 2012 hefst á Plantation Course í Kapalua, á Maui eyju á Hawaii, Hyundai Tournament of Champions – þar sem allir sigurvegarar PGA Tour á keppnistímabilinu 2011 keppa sín á milli. Þetta er opnunarmót PGA Tour keppnistímabilið 2012 og augljóslega það mót sem erfiðast er að hljóta þátttökurétt í. Nokkrum fyrrum sigurvegurum á þessu móti er einnig boðið og í ár voru 39, sem áttu þátttökurétt á mótinu – 28 eru sigurvegarar á PGA Tour s.l. ár og af þeim eru 12, sem eru að spila á Tournament of Champions í fyrsta sinn. Alls eru 32 sem taka þátt.

Þetta er í 14. sinn sem sigurvegara-mótið er haldið – en þetta er í fyrsta sinn sem það fer fram á föstudegi og úrslitin ráðast ekki fyrr en 9. janúar n.k. Þetta mót, ásamt Deutsche Bank Championship er eina mótið sem lýkur á mánudegi.

Eini fyrrum sigurvegari mótsins, sem þátt tekur að þessu sinni er Jonathan Byrd, sem vann Robert Garrigus í 2 holu umspili fyrir ári síðan.

Skor í mótinu eru venjulega vel undir pari á þessu móti á Kapalua vellinum sem er par-73 og sá eini sinnar tegundar á keppnisskránni. Skv. tölfræði er mótið á meðal topp-6 þar sem flestir fuglar nást og lægsta meðaltalsskor. Hér reynir ekki mikið á pútt, fremur að ná sem flestum fuglum.

Mikill hæðarmismunur og vindar frá norð-austri hjálpa til við að völlurinn spilast mun styttri en 7.411 yarda (6777 metra) lengd hans á skorkortinu gefur til kynna. Hitastigið er um 26°, þegar það er hæst. Rob Bolton hjá PGA TOUR hefir tekið saman lista, þar sem hann raðar þátttakendum á Hyundai Tournament of Champions upp eftir styrkleik, (að hans mati). Röðin er eftirfarandi:

Styrkleikaröðun á Hyundai Tournament of Champions