PGA: Fowler í forystu eftir 54 holur á WM Phoenix Open – Hápunktar

Það er Rickie Fowler sem er með forystuna eftir 54 holur á Waste Management Phoenix Open.

Rickie er búinn að koma sér í þægilega stöðu til sigurs, en hann hefir verið afar óheppinn að sigra ekki á undanförnum árum.

Þannig varð hann T-4 í mótinu í fyrra og fyrir 2 árum tapaði hann í 4 holu bráðabana fyrir Hideki Matsuyama. Eins varð hann í 2. sæti árið 2010.

Rickie spilaði jafnt og stöðugt golf á 3. hring, þar til kom að síðustu 3 holum, en hann fékk fugla á þær allar og var skor hans eftir daginn 4 undir pari, 67 högg.

Rickie er á samtals 14 undir pari, 199 höggum (66 66 67) og á 1 högg á þá Jon Rahm (65), Chez Reavie (67) og Bryson DeChambeau (68) – (Innan síðustu 3 sviga eru skor síðustu umræddra kylfinga á 3. keppnisdegi).

„Dagurinn í dag snerist aðallega um að vera þolinmóður,” sagði Fowler eftir 3. hring.

Sjá má stöðuna á WM Phoenix Open með því að SMELLA HÉR:

Sjá má hápunkta í leik Rickie Fowler á 3. hring WM Phoenix Open með því að SMELLA HÉR: 

Sjá má hápunkta 3. dags á WM Phoenix Open með því að SMELLA HÉR: