PGA: Donald efstur í Disney

Eiginlega ætlaði Luke Donald ekki að taka þátt í síðasta mótinu á PGA mótaröðinni bandarísku, Children´s Miracle Network Hospital Classic, sem fram fer í Disney í Flórída (hér eftir nefnt Disney-mótið).

En gott gengi Webb Simpson á McGladreys í Sea Island í Georgíu varð til þess að Webb skaust fram úr honum og trónir nú í 1. sæti PGA peningalistans, með $363,029 forskot á Luke.

Luke Donald ætlar að reyna að verða í 1. sæti á peninglistunum beggja vegna Atlantsála og því keppnir hann í Disney-mótinu og er í holli með Webb fyrstu 2 daga mótsins.

Og mótið byrjar vel hjá Luke Donald. Hann kom inn á 66 höggum í gær, er -6 undir pari og deilir 1. sætinu eftir 1. dag með 6 öðrum kylfingum; Arjun Atwal frá Indlandi, Nathan Green frá Ástralíu og 4 Bandaríkjamönnum: James Driscoll, Gary Woodland, Scott Stallings og Derek Lamely.

T-8 eru aðrir 7 kylfingar þeirra á meðal Paul Stankowski og Webb Simpson spilaði á 68 höggum þ.e. -4 undir pari og er einn 13 kylfinga sem er T-15.

Þetta er því alveg ótrúlega jafnt mót og munur milli efstu 30 manna ekki mikill.

Luke Donald sagði í lok hringsis: „Ég myndi gjarna hafa viljað fá fleiri fugla (en 6). Ég hitti boltann ekki vel á nokkrum síðustu holunum. Ég hugsa að maður vilji græða á auðveldari völlunum og 6 fuglar og enginn skolli var frábær byrjun. Það var ekki auðvelt þarna úti. Vindurinn var sterkur, sem gerði kylfuvalið vandasamt.“

Sjá má stöðuna í Disney-mótinu ( Children´s Miracle Network Hospital Classic mótinu) með því að smella HÉR: 

Til þess að sjá hápunkta 1. dags Disney mótsins smellið HÉR: