Ragnheiður Jónsdóttir | janúar. 11. 2014 | 06:15

PGA: Brian Stuard efstur á Hawaii eftir 2. dag – Spieth komst ekki gegnum niðurskurð!

Það er tiltölulega óþekktur kylfingur, Brian Stuard, (f. 10. desember 1982 – 31 árs) sem leiðir eftir 2. dag Sony Open á Waialea í Hawaii.

Stuard komst fyrst á PGA Tour í gegnum Web.com árið 2012 og spilaði fyrsta keppnistímabil sitt 2013.

Stuard er búinn að spila samtals á 10 undir pari, 130 höggum (65 65).

Öðru sætinu deila þeir Marc Leishman og Japaninn Hideto Tanihara, á samtals 9 undir pari, 131 höggi, hvor: Leishman (67 64) og Tanihara (66 65).

Þrátt fyrir glæsilegan albatross er deilir James Hahn 17. sætinu með stjörnuflóði 7 kylfinga; sem allir hafa spilað á samtals á 5 undir pari og eru því 5 höggum á eftir forystumanninum; en meðal hinna 7 eru m.a. Zach Johnson, sem sigraði svo eftirminnilega á fyrsta PGA Tour móti ársins; Tournament of Champions,  Jason Dufner og Retief Goosen.

Það sem vakti nokkra athygli á 2. hring Sony Open er að nr. 17  á heimslistanum; Jordan Spieth komst ekki í gegnum niðurskurð með hringi upp á 70 og 71, en hann var 2 höggum frá því að komast í gegn.

Einn er þó sem rétt slapp í gegnum niðurskurð,  en það er ofurtöffarinn John Daly, sem tryggði sér sæti meðal þeirra sem spila um helgina með glæsierni á 18. holu!

Til þess að sjá stöðuna á Sony Open eftir 2. dag SMELLIÐ HÉR: 

Til þess að sjá hápunkta 2. dags á Sony Open SMELLIÐ HÉR: