Pettersen gæti orðið nr. 1

Suzann Pettersen hefir tækifæri að láta verða að veruleika það sem hún hefir stefnt að í mörg ár, nú um helgina: þ.e. að verða nr. 1 á Rolex-heimslista kvenna.

Hin 32 ára norska frænka okkar á möguleika á að hrinda Inbee Park frá Suður-Kóreu úr efsta sæti heimslistans, ef hún sigrar á  HSBC Women’s Champions í Singapúr  nú um helgina ef Inbee verður jafnframt ekki betri en T-3 með 2 öðrum leikmönnum.

„Ég held að ég sé nógu góð til að vera nr. 1 á heimslistanum, annars held ég ekki að ég hefði haldið áfram að spila. Þetta er hvatning mín á hverjum degi,“ sagði Pettersen.

„Ég held að það að ætla sér að verða betri í dag en í gær sé það sem fær mann fram úr á morgnanna og það sem kemur manni í gegnum erfiðu dagana.“

„Það er augljóslega druamur minn að verða besti kvenkylfingur í heimi, ég er ekkert að fela það. En á sama tíma vil ég bara sjá hversu góð ég get orðið.“

Inbee Park, sem búist er við að missi 1. sæti sitt á Rolex-heimslistanum í ár, stóð sig hins vegar vel í Thaílandi í síðustu viku og er þar að auki sú sem á titil að verja í Singapúr þessa helgi.

Inbee sagði m.a. fyrir Singapore mótið: „Það er reyndar virkilega erfitt að sigra í hverju móti. Þetta er aðeins 2 vikan mín í keppni á þessu ári og það eru ekki mörg stig sem skilja að efstu 3 á Rolex-heimslistanum. „

Það eru 19 af 20 bestu kvenkylfingum heims sem spila nú um helgina í Singapúr á par-72 golfvellinum í Sentosa golfklúbbnum.

Eftir 1. dag HSBC mótsins er Suzann þó í 12. sæti á 71 höggi og Inbee er höggi betri eftir 1. hring þ.e. á 70 höggum  og í 7. sæti. Sú sem leiðir er ástralska golfdrottningin Karrie Webb, sem spilaði fyrsta hring á 6 undir pari, 66 höggum og Suzann því þegar eftir 1. dag 5 höggum undir, ætli hún sér 1. sætið!

Til þess að sjá stöðuna á HSBC mótinu eftir 1. dag SMELLIÐ HÉR: