Pabbi Lexi verður áfram á pokanum hjá henni

Nú nýlega birtist skemmtilegt viðtal við Lexi í T Magazine sem lesa má HÉR: 

Þar kom m.a. fram að Lexi ætli að halda áfram að hafa pabba sinn á pokanum hjá sér, en hér fer lítill hluti af viðtalinu í lauslegri þýðingu:

Lexi og Scott pabbi hennar fagna sigri á Omega Dubai Ladies Masters nú fyrr í mánuðinum

Sp: Sumum táningum myndi þykja erfitt að þurfa alltaf að fá leiðsögn frá pabba á vellinum. Pabbi þinn segir alltaf að hann sé að hugsa um að setja einhvern annan á pokann hjá þér. Verður hann kaddýinn þinn á næsta ári? 

Lexi: Líklega. Okkur hefir komið mun betur saman á golfvellinum að undanförnu. Ég get sagt það. Við rifumst mikið. Nú er allt miklu rólegra.

Sp: Bróðir þinn Nicholas hefir spilað á  P.G.A. Tour hinn bróðir þinn Curtis er á golfskólastyrk í L.S.U. Hvernig skýrir þú góðan árangur fjölskyldunnar í golfi?

Lexi: Við búum á golfvellinum, þannig að það hjálpar til. Ég byrjaði í golfi vegna þess að ég sá bræður mína  spila, ég var alltaf að horfa á þá. Það var líf mitt. Þegar ég óx úr grasi vorum við alltaf í keppnum t.d. chip eða að hitta eitthvert. Við keppum á vellinum, venjulega upp á peninga núna. Við spilum líklega u.þ.b. 36 holur á degi. Ég elska það.

Sp: Hver eru markmið þín fyrir árið 2012?

Lexi: Að halda áfram að bæta leik minn, að sigra í fleiri mótum og spila til úrslita í risamótum.

Til þess að sjá myndskeið með viðtali sem tekið var eftir að Lexi varð yngst allra til þess að sigra mót á LPGA – þ.e. Navistar Classic aðeins 16 ára, 7 mánaða og 8 daga gömul þann 20. september s.l. smellið HÉR: