Ragnheiður Jónsdóttir | mars. 31. 2020 | 14:00

Nýju stúlkurnar á LET 2020: Elía Folch (23/65)

Á lokahring lokaúrtökumótsins fyrir LET spila 60 efstu og þær sem jafnar eru í 60. sætinu.

Í ár voru 7 stúlkur jafnar í 59. sætinu eftir 4. hring úrtökumótsins og spiluðu því alls 65 stúlkur lokahringinn og verða allar 65 kynntar, en lokastaðan í úrtökumótinu var eftirfarandi SMELLIÐ HÉR:

Dansað var úr röðinni og íslenski keppandinn, sem komst í flokk 8a, Guðrún Brá Björgvinsdóttir þegar verið kynnt, sem og enska stúlkan Rachel Drummond, sem var meðal þeirra 7 sem rétt sluppu inn á lokahringinn.

Nú verða stúlkurnar kynntar eftirleiðis eftir þeirri sætisröð sem þær lentu í á lokaúrtökumótinu. Sú sem varð í 65. sætinu, sænski kylfingurinn Isabelle Johansson hefir þegar verið kynnt. Næst voru kynntar þær sem deildu 61. sætinu og þær tvær sem deildu 57. sætinu og þær 7 sem deildu 50. sætinu.

Næst verða kynntar þær 6 af 7 stúlkum sem urðu jafnar í 43. sæti þ.e. T-43 á samtals 10 yfir pari, 371 höggum, en þetta eru þær: Rachel Drummond (hefir þegar verið kynnt); Georgia Iziemgbe Oboh frá Nígeríu; Elía Folch frá Spáni; Ha rang Lee frá Spáni; Valentine Derrey frá Frakklandi; Madelene Stavnar frá Noregi og enski áhugamaðurinn Georgina Blackman.

Allar nema Folch og Oboh hafa þegar verið kynntar af þeim sem urðu T-43 og í dag er það Elía Foch, sem var uppreiknað í 45. sætinu á lokaúrtökumótinu, sem verður kynnt. Hún spilar ekki á Evrópumótaröð kvenna á næsta keppnistímabili, en verður líklegast að spila í nokkrum mótum á LET Access.

Elía Folch fæddist 21. janúar 1991 líkt og annar kunnur golfkappi, þar sem er golfgoðsögnin sjálf Jack Nicklaus.

Elía fæddist í Barcelona og er nýorðin 29 ára.

Elía býr í Terrassa á Spáni og segir pabba sinn hafa haft mest áhrif á golfleik sinn.

Uppáhaldsgolfvöllur Elía er Flint Hills í Kansas, Bandaríkjunum.

Elía gerðist atvinnumaður í golfi 28. desember 2015.

Hún reyndi að komast á LPGA í fyrra þ.e. lokaúrtökumót LPGA 2016 fyrir 2017, en hlaut aðeins takmarkaðan spilarétt á LPGA 2017. Hún reyndi aftur fyrir sér á úrtökumóti fyrir LPGA 2017 og spilaði á mótaröð þeirra bestu 2018.

Þar gekk ekki sem skyldi og reyndi Folch fyrir sér í Evrópu 2019, en hafði eins og áður sagði, ekki árangur sem erfiði, í þetta sinn.