Nýju strákarnir á PGA Tour 2014 (efstu 25 af peningalista Web.com): Brice Garnett (12/25)

Efstu 25 af peningalista Web.com Tour 2013 hlutu kortin sín á PGA Tour, keppnistímabilið 2013-2014. Í dag verður kynntur sá, sem varð í 14. sæti, en það er  Brice Garnett. 

Garnett lék eins og öllum efstu 25, af peningalista Web.com Tour, stendur til boða á Web.com Tour Finals, um bætta stöðu og varð í 23. sæti, þ.e. fyrir miðju þeirra 50 sem spila í Finals. Staða hans breyttist því ekkert hann varð fyrir miðju bæði á peningalistanum og í Finals.

Brice Garnett fæddist 6. september 1983 í Gallatin, Missouri og er því 30 ára.

Það var pabbi Garnett sem kynnti hann fyrir golfíþróttinni þegar hann var 4 ára og síðan þá hefir hann verið að spila sleitulaust.  Á sumrin þegar hann var yngri spiluðu hann og 8 vinir hans golf frá morgni til kvölds.

Körfubolti heillaði hann þó meira í menntaskóla og hann var valinn  í all-conference, all-district og all-regionals liðinu í körfunni.

Garnett gerðist atvinnumaður í golfi árið 2006 eftir að hafa útskrifast sem viðskiptafræðingur frá Missouri Westers State University, þar sem hann spilaði í bandaríska háskólagolfinu í 4 ár.

Strax fyrsta ár sitt (þ.e. 2006) spilaði Garnett á Nationwide Tour  en tókst ekki að halda keppnisréttindum sínum og spilaði á minni mótaröðum. Frá árinu 2010 hefir hann þó spilað á Nationwide Tour (nú Web.com Tour) allt þar til honum tókst að ná þessum fína árangri á peningalistanum 2013 að hann fékk kortið sitt á PGA Tour.

Meðaltalsskor Garnett á PGA Tour 2013-2014 eru 71,066 högg og hann hefir komist í gegnum niðurskurð í 14 af þeim 17 mótum, sem hann hefir spilað í á 2013-2014 keppnistímabilinu.

Fræðast má nánar um Garnett með því að fara á heimasíðu hans með því að SMELLA HÉR: