Nýju strákarnir á Evróputúrnum 2018: Nico Geyger (18/33)

Það voru 33 kylfingar sem tryggðu sér keppnisrétt á Evrópumótaröðinni í gegnum lokaúrtökumót Evrópumótaraðarinnar, sem fram fór dagana 11.-16. nóvember sl. á Lumine golfstaðnum á Spáni.

Það voru 25 efstu og þeir sem jafnir voru í 25. sætinu, sem tryggðu sér keppnisrétt.

Nú hafa verið kynntir þeir 9 sem deildu 25. sætinu og rétt sluppu inn á Evróputúrinn verið kynntir.

Í dag verður kynntur 2. af þremur sem deildu 15. sætinu á samtals 15 undir pari, hver, en það voru Sebastien Gros frá Frakklandi; Nico Geyger frá Chile og Ross McGowan, frá Englandi. Ross McGowan hefir þegar verið kynntur og í dag verður Nico Geyger kynntur.

Nico Geyger fæddist 4. ágúst 1986 í Santiago í Chile og er því 31 árs.

Hann er 1,80 m á hæð og 73 kg.

Í Chile er hann í  Huinganal golfklúbbnum.

Nico kvæntist 2013 konu sinni Andreu og saman eiga þau dótturina Maríu, sem fæddist 2016.

Nico Geyger byrjaði í golfi 4 ára ungur þegar hann tók þátt í föður/sonar móti. Hann byrjaði að taka golfið af meiri festu 12 ára eftir að hafa ferðast til San Diego til þess að taka þátt alþjóðlegu unglingamóti, þar sem hann landaði 5. sætinu þrátt fyrir að kylfum hans hefði verið stolið í mótinu.

Geyger tók þátt í Eisenhower Trophy f.h. Chile árið 2008.

Hann gerðist gerðist atvinnumaður í golfi fyrir 9 árum þ.e. 22 ára, 2009.

Geyger byrjaði ekki að spila í Evrópu fyrr en 2015 og þá á Áskorendamótaröð Evrópu og komst  á Evróputúrinn keppnistímabilið 2017 eftir að hafa komist í gegnum Q-school 2016.  Nú er hann aftur kominn á Evróputúrinn 2018 eftir ágætis gengi í 2017 lokaúrtökumótinu.

Sem stendur er Nico Geyger nr. 750 á heimslistanum.

Áhugamál Geyger utan golfsins eru tónlist og fótbolti.