Ragnheiður Jónsdóttir | desember. 30. 2013 | 20:00

Nýju strákarnir á Evróputúrnum 2014: Marco Crespi (25/27)

Í  kvöld verður kynntur sá kylfingur sem tók bronsið þ.e. varð í 3.  sæti í Q-school Evrópumótaraðarinnar, sem fram fór á Catalunya golfvellinum, í Girona, á Spáni, 10.-15. nóvember 2013.

Á morgun ljúkum við árinu og kynningu á nýju „strákunum“ sem hlutu kortin sín í Q-school Evróputúrsins fyrir 2014 með því að kynna þá sem urðu í 1. og 2. sæti.

Það var Ítalinn Marco Crespi sem varð í 3. sæti í Q-school í ár,  lék á samtals 15 undir pari, 413 höggum  (71 70 67 68 67 70) og hlaut €  9.000,- í verðlaunafé.

Marco Crespi fæddist í Monza á Ítalíu 5. nóvember 1978 og er því 35 ára. Í dag býr hann í Arcore á Ítaliu. Hann byrjaði í golfi fremur seint 17 ára. Pabbi hans hefir löngum verið kaddýinn hans og bróðir hans er golfkennari.  Crespi gerðist atvinnumaður í golfi 2002 og hefir síðan þá reynt 11 sinnum að komast á Evrópumótaröðina en það tókst ekki fyrr en í ár …. og þá með stæl …. bronssætinu!!!

Á árunum 2006-2009 og svo 2012-2013  spilaði Crespi played á Áskorendamótaröðinni. Hann sigraði 2012 í  Telenet Trophy og  árið 2013 í Mugello Tuscany Open, hvorutveggja mót á Áskorendamótaröðinni, en tókst í hvorugt skiptið að tryggja sér sæti meðal þeirra sem komust á Evrópumótaröðina í gegnum Áskorendamótaröðina.

Eftir að hafa gulltryggt kortið sitt á Evróputúrnum með 3. sætinu í Q-school, gekk Crespi bara vel í fyrstu mótum 2014 keppnistímabilsins. Þannig deildi hann m.a. 4. sætinu í SA Open ásamt Charl Schwartzel, nú nýverið og með fleiri svona topp-5 áröngrum verður honum ekki skotaskuld að halda kortinu sínu á Evrópumótaröðinni.

Á Ítalíu er Crespi í GC Milano – Colmar Golf. Hann er kvæntur konu sinni Elenu (g. 2012) og eiga þau eina dóttur, Carlottu (f. 2012).

Meðal áhugamála Crespi utan golfsins eru veraldarvefurinn og bílar.