Nýju strákarnir á Evróputúrnum 2014: James Morrison (17/27)

Í dag verður hafist handa  við að kynna þá 4  stráka, sem deildu  8.-11. sæti í Q-school Evrópumótaraðarinnar, sem fram fór á Catalunya golfvellinum, í Girona, á Spáni, 10.-15. nóvember 2013.

Þetta voru þeir James Morrison, Stuart Manley, Wade Ormsby og Connor Arendell. 

Allir léku þeir á samtals 12 undir pari, 416 höggum og hlutu € 4.085 í verðlaunafé.  Í dag verður byrjað á að kynna James Morrisson, sem varð í 11. sæti, en hann var einn af 5 enskum kylfingum, fjölmennasta hópnum sem komust á Evróputúrinn að þessu sinni í gegnum Q-school en hinir voru Adam Gee, Daniel Brooks, Simon Wakefield  og James Heath.

Morrison spilaði á (72 67 63 70 71 73).

James Morrison fæddist 24. janúar 1985 í Chertsey á Englandi og er því 28 ára. Hann lék í unglingaliðum f.h. Englands ásamt þeim Alastair Cook, Ravi Bopara og Tim Bresnan og þeir halda allir vinskapnum. Þegar hann var 16 ára ákvað hann hins vegar að skipta yfir í golfið og eftir að sú ákvörðun hafði verið tekin féll forgjöf hans úr 18 í 0 á innan við 1 ári.  Jafnframt komst hann sama ár á golfstyrk í University of South Carolina.

Eftir að hann sneri aftur til Englands spilaði Morrison á PGA EuroPro Tour og síðan Challenge Tour, eftir að hafa gerst atvinnumaður í golfi árið 2006. Hann varð í 18. sæti á Challenge Tour stigalistanum 2009 og tryggði sér þar með kortið sitt á Evrópumótaröðina 2010.

Í apríl 2010 vann hann fyrsta sigur sinn á Evrópumótaröðinni þ.e. Madeira Islands Open BPI – Portugal, lauk keppni á 20 undir pari.Þremur vikum síðar varð hann í 2. sæti á  Open de España, en þar tapaði hann í bráðabana við Álvaro Quirós.

Morrison hefir þjáðst af Crohn’s sjúkdómnum frá um 15 ára aldri.

Hann er kvæntur konu sinni Jessicu (giftust 2011) og á með henni soninn Finley (f. 2012).

Loks mætti geta að auk golfs eru áhugamál Morrison krikket, tónlist og fótbolti.

Til þess að sjá heimasíðu James Morrison SMELLIÐ HÉR: