Ragnheiður Jónsdóttir | júní. 21. 2012 | 15:00

Nýju strákarnir á Evróputúrnum (19. grein af 21): Andy Sullivan varð í 3. sæti í Q-school

Nú er komið að lokum þessarar kynningar á „nýju“ strákunum á evrópsku mótaröðinni; aðeins eftir að kynna þá sem urðu í 3 efstu sætunum í Q-school í  desember 2011.

Í 3. sæti varð Andy Sullivan. Andy fæddist 19. maí 1986 og er því nýorðinn 26 ára. Hann er sem stendur nr. 711 á heimslistanum og í 61. sæti á Race to Dubai (stigalista evrópsku mótaraðarinnar).

Draumur Andy rættist þegar hann fékk að vera í liði Breta & Íra í Walker Cup árið 2011 í Royal Aberdeen Golf Club þar sem hann vann báða fjórleiki sína. Hann hafði áður sigrað á mótum um heim allan þegar hann keppti víðsvegar meðan hann var enn áhugamaður, m.a. í Argentínu, Ástralíu og á meistaramóti skoskra áhugakylfinga (ens.: Scottish Amateur Championship).

Hann gerðist atvinnumaður stuttu eftir að hann tók þátt í Walker Cup og 3 mánuðum síðar fór hann í fyrsta sinn í Q-school evrópsku mótaraðarinnar. Hann byrjaði frábærlega með hringi upp á  65-66-67, en þeir eiga stærstan þátt í að hann hlaut 3. sætið.

Steve Webster.

Andy er mikill vinur Steve Webster en þeir ólust upp saman í sama bæ á Englandi, Nuneaton. Sullivan segir Lee Westwood hafa veitt sér mesta innblásturinn og hvatninguna í golfleik sínum, en hann, Webster og Westwood eru frá sama parti á Englandi þ.e. the Midlands.