Mesta eftirsjá stórkylfinga (11. grein af 20): Ian Woosnam – Myndskeið

Wee Woosie frá Wales er 54 ára og fyrrum nr. 1 á heimslistanum.  Hann var m.a. sigurvegari á the Masters 1991 og man eftir einu andartaki, sem enn  svíður þegar hann hugsar til þess.  Það var við það tækifæri, sem kaddýinn hans sagði þessi orð: „You’re going to go ballistic.“ (lausleg þýðing: „Þú átt eftir að verða brjálaður!!!“)

Gefum Ian Woosnam orðið:

Mesta eftirsjáin? „Ég þarf ekki einu sinni að hugsa um þetta.  Ef ég hefði bara litið í pokann fyrir lokahring Opna breska 2001 á Royal Lytham. Ef ég hefði bara gert það, hefði ég tekið eftir aukadrævernum í settinu. Ég var óheppinn að fyrsta brautin er par-3 og ég þurfti ekki á dræver að halda af teig. En þetta er bara svona [Woosnam hafði verið að prófa tvo drævera á æfingasvæðinu og báðir enduðu í settinu hans. Kaddýinn hans tók ekki eftir þessu fyrr en á 2. teig. Woosie fékk 2 högg í víti og lauk keppni T-3, 4 höggum á eftir David Duval.]

Sjá má myndskeið af því sem Ian Woosnam sér mest eftir með því að smella HÉR:   (Innskot: Það sem Ian ætti ekki síður að sjá eftir er að kasta drævernum út í buskann. Kylfukast er aldrei til fyrirmyndar… undir engum kringumstæðum… sama hversu ergilegar eða kostnaðarfrekar aðstæður eru (aukakylfan var Woosnam dýr)!!!)