Evróputúrinn: Matteo Manassero spilar á Sikiley í stað Masters

Matteo Manassero hefir komist að því hver er hin fullkomna sárabót fyrir að missa af því að fá að spila á Masters í 2. sinn – en það er sigur fyrir framan landa sína á Opna sikileyska.

Ítalski táningurinn (Manassero) varð af þátttöku á The Masters þar sem hann varð aðeins 6. á Trophée Hassan II í Marokkó þegar hann þarfnaðist sigurs, en hann staðhæfir að fyrsti sigurinn á Evrópumótaröðinni í heimalandinu, Ítalíu myndi bæta fyrir það að missa af þátttökunni í risamótinu.

Hinn 18 ára Manassero spilaði á köflum ótrúlegt golf í Golf du Palais Royale í Agadir í síðustu viku, en stóð ekki hinum frábæra Hoey snúning, sem stormaði um brautirnar og uppskar 65ur á lokahringjum sínum og vann þar með 4 sigur sinn á Evrópumótaröðinni.

„Síðasta vika var frábær og ég spilaði frábært golf, en ég fékk of marga skolla á lokahringnum en Michael spilaði svo vel að þetta var bara ekki ætlað að vera mín vika,” sagði Manassero.

„En ég hef spilað vel í síðustu tveimur mótum mínum, þannig að sjálfstraustið er þarna og mér líður vel með leik mínum og ég hlakka virkilega til þess að spila á Sikiley.“

„The Masters myndi hafa verið ótrúlegur bónus ef mér hefði tekist að sigra, en ég var fyrst og fremst að reyna að vinna mótið í Marokkó.“

„Mér finnst ekki eins og ég hafi misst af Augusta. Ég er ekki sorgmædur vegna þess að ég er ekki á förum þangað vegna þes að ég hef gott tækifæri til þess að vinna á Ítalíu í þessari viku og það myndi vera mikið afrek. Ég held að allir myndu vilja vinna heima hjá sér og ég er bara alveg eins.“

Manassero hefir ekki spilað Verdura Golf & Spa Resort á Sikiley en hefir bara heyrt jákvætt um þennan nýja keppnisstað Opna sikileyska og getur ekki beðið eftir að snúa heim til Ítalíu.   […]

Heimild: europeantour.com