Ragnheiður Jónsdóttir | janúar. 6. 2014 | 20:00

Luke Poulter sigraði flokk 9 ára á US Kids

Í gær, sunnudaginn 5. janúar 2014 spilaði elsti sonur  Ian Poulter, Luke, í U.S. Kids Golf Foundation móti á Palm golfvelli Walt Disney World’

photo

Og líkt og pabbinn hefir gert svo oft áður stóð Luke upp sem sigurvegari, átti 7 högg á næsta keppanda og Ian auðvitað að rifna úr monti!

Stráksi vann sinn aldursflokk stráka 9 ára. Luke var á skori upp á 4 yfir 40 á 1,940 yarda golfvellinum, þ.á.m. fékk hann fugl á par-3 3. holuna.  Hann var einnig með 2 skolla og einn þrefaldan skolla.

Ian var á pokanum hjá stráksa og var auk þess að tvíta fréttir í beinni frá mótinu.

Hér eru nokkur af bestu tvítum Ians í gær:

@IanJamesPoulter: „Little blip. Luke hit 2 lovely shots into 6th hit the rocks on the carry of the green. Made a seven. But then made a great par on the next.

(Lausleg þýðing: Lítið innskot. Luke var með tvö falleg högg á 6. braut en sló í klettana við flötin. Var á 7 höggum. En náði síðan frábæru pari!“

„So amazing to caddy for Luke today. So very proud of how he conducted himself even on a disappointing hole. Very exciting.“

(Lausleg þýðing: Það var svo frábært að vera kylfuberi fyrir Luke í dag. Ég er stoltur af hvernig hann bar sig jafnvel á vonbrigða holu. Þetta er mjög spennandi.“)

„Well I know what it feels like to win a tournament from carrying the bag. @terrymundy great feeling. So proud of Luke.“

(Lausleg þýðing: „Nú veit ég hvernig það er að vinna mót þegar maður er á pokanum. @terrymundy frábær tilfinning. Ég er svo stoltur af Luke.“

Bud Cauley og Luke Donald voru meðal þeirra sem óskuðu Ian Poulter til hamingju með soninn.

@BudCauley: @IanJamesPoulter leader in the club house

@LukeDonald: Congrats Luuuuuuuuke!