LPGA: Yani Tseng sigraði í Thaílandi

Yani Tseng, sýndi og sannaði enn einu sinni af hverju hún er nr. 1 í heiminum. Hún er illsigranlegur klettur í kvennagolfinu! í dag kom hún í hús á 66 höggum, átti lægsta skor dagsins ásamt Lexi Thompson, sem fyrir vikið þaut upp skortöfluna úr T-36 í T-14. Frábært hjá yngsta leikmanni LPGA!

En árangur Yani er ekkert nema stórkostlegur – hún sigraði naumt að vísu, átti 1 högg á Ai Miyazato, sem búin var að leiða mestallt mótið, en varð að gera sér að góðu 2. sætið.

Yani hirti sigurtékkann upp á $ 225.000,- (27 milljónir íslenskra króna) með skor upp á samtals -19 undir pari, samtals 269 högg (73 65 65 66).

Í 3. sæti var Jiyai Shin, samtals -17 undir pari, 271 höggi  og í því 4. Amy Yang á samtals -14 undir pari,  274 höggum.

Aðrar sem voru ofarlega á skortöflunni voru hin ástralska Karrie Webb, sem var í forystu framan af mótsins, en spilaði verr og verr eftir því sem á leið og lauk leik T-9 og hin sænska Caroline Hedwall, sem bætti leik sinn lítillega fór úr T-15 í T-12 og var á samtals -7 undir pari.

Suzann Pettersen átti hins vegar afleitan hring (78 högg) og hrundi niður skortöfluna úr 6 sæti í (T-21).

Til þess að sjá úrslit á Honda LPGA Thaíland 2012 smellið HÉR: