LPGA: Hee Young Park sigraði á Manulife Financial LPGA Classic

Það var Hee Young Park frá Suður-Kóreu, sem sigraði á Manulife Financial LPGA Classic.

Hee Young lék á samtals 26 undir pari, 258 höggum (65 67 61 65) líkt og Angela Stanford (63 67 64 64) og því varð að koma til bráðabana milli þeirri, líkt og í flestum stórmótum s.l. helgi.

Það þurfti að spila par-5 18. holuna á Grey Silo golfvellinum 3 sinnum þar til úrslit lágu ljós fyrir en Hee Young vann með fugli, meðan Angela varð að sætta sig við par og tap í mótinu.

Í 3. sæti varð hinn frábæri, skoski kylfingur Catriona Matthew sem búin var að vera í forystu mestallt mótið. Catriona lauk keppni 3 höggum á eftir þeim Hee Young og Angelu.

Í 4. sæti varð Meena Lee frá Suður-Kóreu (á samtals 20 undir pari) og í 5. sæti varð hin franska Karine Icher (á 19 undir pari).

Til þess að sjá úrslitin á Manulife Financial LPGA Classic SMELLIÐ HÉR: