Lögmenn Singh vilja að PGA leggi fram lista þeirra sem uppvísir hafa orðið að lyfjamisnotkun

Deila Vijay Singh og PGA heldur áfram jafnvel þó báðir aðilar bíði aðeins eftir að dómur vísi máli  Vijay frá dómi að kröfu PGA, en Vijay höfðaði mál eftir að PGA mótaröðin vék honum frá fyrir að brjóta gegn eiturlyfja-prógrammi mótaraðarinnar.

Vijay Singh var dreginn upp úr háðinu í fjölmiðlum m.a. eftir að uppvíst varð að hann hefði notað hreindýrahornssprey

Í október fór PGA fram á það við dómarann Eileen Bransten í viðskiptadeild (Commercial Division) Supreme Court í New York (1. dómstig) að málinu yrði vísað frá og verður dómþing haldið að nýju 3. desember n.k.

Á meðan hefir gagnaöflun hins vegar verið fram haldið af báðum hliðum og er nú svo komið að báðir málsaðilar eru með langa kröfulista og andmæli við gögn hins.

Meðal þess sem lögmenn Singh hafa farið fram á eru  upplýsingar frá PGA  „sem snúa að jákvæðum prófum kylfinga fyrir einhverjum efnum sem eru listaðir sem bannaðir í prógramminu og viðurlögum sem beitt hefir verið,“ sérstaklega eitthvað sem varðar „meint eða raunveruleg brot á prógramminu,“ af  Doug Barron,Mark Calcavecchia, Scott Verplank, Dustin Johnson og Matt Every.

Árið 2010 varð Barron fyrsti og til þessa dags sá eini sem vikið var frá PGA vegna brota á lyfjaprógrammi mótaraðarinnar en próf hans voru jákvæð fyrir efnum sem bæta áttu frammistöðu hans á golfvellinum (á ensku heita þessi lyf „performance enhancing“.)

Skv. nokkrum heimildum þá tók Calcavecchia til sín eni sem líkist hreindýrahornsspreyinu (ens. deer-antler spray), sem Vijay tók til sín en hlaut engin viðurlög og var ekki bent á af PGA mótaröðinni að hætta að taka efnið meðan Matt Every hlaut keppnisbann í 3 mánuði árið 2010 eftir að hann var handtekinn fyrir að vera með marijuana á sér.

Ekki er upp gefið hvers vegna krafist er sérstaklega upplýsinga um Johnson og Verplank en hvorugur kyfingurinn hefir opinberlega verið ásakaður um eiturlyfanotkun.

„PGA mótaröðin hefir gert undantekningu eftir undantekningu eftir undantekningu bæði með tilliti til þeirra sem hafa haft stefnuna með höndum og þeirra, sem þeir  beittu viðurlögum,“ sagði lögmaður Singh, Ginsberg, m.a. í október. „Einhverra hluta vegna valdi mótaröðin Hr. Singh og fór með mál hans þannig að ekki var farið með það á sambærilegan hátt og önnur mál, reyndar fór hún með mál hans á sögulega einstæðan hátt.“

Singh höfðaði mál gegn PGA mótaröðinni í maí, og heldur því m.a. fram að forsvarsmenn mótaraðarinnar hafi niðurlægt sig  og brennimerkt sig meðal félaga sinna á túrnum, í fjölmiðlum og meðal áhangenda, sem einhvern sem tók af ásetningi ölögleg efni til þess að hljóta þar með forskot í keppnum.“