Klúbbhúsið á Costa Ballena, en golfvellir CB eru uppáhaldsvellir Hennings Darra erlendis. Mynd: Golf 1.
Ragnheiður Jónsdóttir | janúar. 28. 2014 | 10:45

Lið Englands sigraði á Costa Ballena

Piltalið Englands vann  Quadrangular tournament, sem fram fer ár hvert á Costa Ballena á Spáni og er þetta í fyrsta sinn frá árinu 2006, sem liðið hefur sigur í mótinu.

England tapaði fyrir gestgjöfunum, liði Spánar í 3. og lokaleiknum, en hafði þó 1/2 stig fram yfir þá eftir sigur á Finnlandi og Þýskalandi.

England varð í 1. sæti á 16½ stigi;  Spánverjar í 2. sæti á  16 stigum og  Finnland í 3. sæti með  14½ stig.

 7-2 sigur Englands á Þjóðverjum og  6-3  sigurinn gegn Finnlandi skipti sköpum.

Stjarnan í liði Englands var Robert Burlison frá Staffordshire sem var með 5 sigra í 6 leikjum, meðan Paul Kinnear frá Lancashire var með  4½ og Ben Amor frá Wiltshire og Adam Chapman frá Cumbria voru með 4 sigra.

E.t.v. eru þetta allt nöfn sem við eigum eftir að heyra meira frá í framtíðinni.