LET & LPGA: Jiyai Shin leiðir eftir 2. hring á Ricoh Women´s British Open

Í dag spila 50 efstu kylfingar sem komust í gegnum niðurskurð eftir 2. hring í gær, 3. og 4. umferð, en mótsfyrirkomulaginu var breytt vegna óveðurs á föstudaginn.

Í efsta sæti eftir 2. hring á nýju vallarmeti á Royal Liverpool klúbbnum í Hoylake er fyrrum nr. 1 á heimslista kvenna, Jiyai Shin.  Jiyai kom inn í gær á 8 undir pari, 64 glæsihöggum og er samtals búin að spila á 135 höggum (71 64). Eldra vallarmet átti Mhairi McKay, 67 högg þannig að Shin bætti metið svo um munaði, um heil 3 högg.

Það er landa Shin, Inbee Park, sem er í 2. sæti á 4 undir pari (72 68) og í þriðja sæti eru Mika Miyazato og Karrie Webb á 3 undir pari, hvor.

Til þess að sjá stöðuna eftir 2. hring á Ricoh Women´s British Open SMELLIÐ HÉR: