LET Access: Momoka Kobori sigraði á Montauban Ladies Open

Það var hin ný-sjálenska Momoka Kobori, sem sigraði á Montauban Ladies Open.

Mótið fór fram í Golf de Montauban í Montauban, Frakklandi, dagana 10.-12. júní 2022.

Sigurskor Kobori var 10 undir pari, 206 högg (69 69 68) og átti hún 3 högg á þá sem varð í 2. sæti, Hönnuh McCook frá Skotlandi, sem lék á samtals 7 undir pari, 209 högg (69 70 70)

„Ég er svo ánægð, ekki bara með hvernig ég spilaði heldur alla reynsluna sem ég fékk þessa viku og með ákvörðunina um að spila í Evrópu,“ sagði Kobori þegar sigurinn var í höfn.

Momoko er fædd 21. mars 1999 og því nýorðin 23 ára.  Hún byrjaði í golfi 12 ára í heimaklúbbi sínum á Nýja-Sjálandi, Rangiora GC. Lægsta forgjöf sem hún hefir verið með er +5,4.

Sjá má lokastöðuna á Montauban Ladies Open með því að SMELLA HÉR: