Ragnheiður Jónsdóttir | febrúar. 21. 2018 | 12:00

Ko stóð við stóru orðin

Jin Young Ko er 22 ára kylfingur frá S-Kóreu, sem spilar á LPGA, keppnistímabilið 2018.

Þegar ljóst var að hún myndi spila á LPGA þetta keppnistímabil var hún spurð að því hver markmið hennar væru á nýliðaárinu?

Hún svaraði því til að það væri að sigra í LPGA móti á keppnistímabilinu og vinna nýliðaverðlaunin.  Sjá grein sem Golf 1 skrifaði um Ko af því tilefni með því að  SMELLA HÉR: 

Vá, hugsaði eflaust margur – sú er að taka stórt upp í sig ….. EN ….. Ko er nú þegar búin að sigra í 1. móti sínu á 2018 keppnistímabilinu, ISPS Handa Australian Women’s Open (fyrsta stóra mótinu þar sem tveir íslenskir kvenkylfingar tóku þátt í og Valdís Þóra komst í gegnum niðurskurð og varð T-57).

Reyndar var þessi sigur ekki hennar fyrsti á LPGA – í beltinu átti hún annan LPGA sigur þ.e. á LPGA KEB–Hana Bank Championship, en það mót vann hún 15. október 2017. (Auk þess hefir Ko sigrað 10 sinnum á kóreanska LPGA).

Ef hún heldur áfram á þessari braut mun 2. hluti markmiðs hennar eflaust rætast líka … og hún verður nýliði ársins 2018 á bandaríska LPGA, bestu kvenmótaröð heims!