Lee Westwood
Ragnheiður Jónsdóttir | maí. 27. 2014 | 10:00

Kemst Westwood í Ryderinn? – Myndskeið

Stóra spurning sumarsins er hvort Lee Westwood komist í Ryder bikars lið Evrópu, sem keppir í haust við lið Bandaríkjanna í Gleneagles í Skotlandi, þ. 26. september n.k.

Westwood gekk ekkert sérlega vel á s.l. ári og hefir enn ekki sýnt fyrri stöðuleikasnilldartakta það sem af er árs.

Ja, ef undan er skilinn sigur hans á Maybank Malasian Open 20. apríl s.l. er fátt um fína drætti.

En það er enn von – Westwood vonast eftir 1. risamótssigri sínum á Opna bandaríska í næsta mánuði – og fyrirliði Ryder Cup liðs Evrópu, Paul McGinley gerir það líka, þar sem Westwood er jú einu sinni einn reynslumesti Ryder Cup leikmaður Evrópu og sigur í risamóti myndi fleyta honum upp heimslistann, en Westwood er nú dottinn niður í 29. sæti heimslistans.

Báðir vonast til þess að Westwood vinni fyrir stöðu sinni í liðinu… nái einu af sætunum 9 sem veita sjálfkrafa rétt til að vera í liðinu, annars er allt opið með hvort Westy komist í liðið.

Valið sem McGinley myndi standa fyrir, með „villtu kortin“ sín tvö er hvort hann meti reynslu eða gott gengi í mótum meira?

Hér má sjá myndskeið það sem Westwood tjáir sig um ástandið á leik sínum nú, þar sem hann segist leitast við að komast á toppinn  SMELLIÐ HÉR: