Sandra Gal óskar Martin Kaymer til hamingju með sigurinn á Opna bandaríska risamótinu
Ragnheiður Jónsdóttir | júní. 18. 2014 | 10:00

Hver er kylfingurinn: Martin Kaymer? (3/7)

Atvinnumennskan hjá Kaymer – Árið 2007 Fyrstu skrefin á Evrópumótaröðinni og Kaymer valinn Henry Cotton nýliði ársins

Kaymer lék fyrsta leik sinn á Evrópumótaröðinni 2007 á UBS Hong Kong Open, en náði ekki niðurskurði.  Hann komst heldur ekki í gegnum niðurskurð í næstu eða þ.e.a.s. fyrstu 5 mótum sínum á fyrsta keppnistímabili sínu á Evrópumótaröðinni. Í mars náði Kaymer fyrsta niðurskurði sínum á keppnistímabilinu á Singapore Masters; en hann lauk leik T-20. Í fyrstu 7 mótum sínum náði hann aðeins niðurskurði 1 sinnum. Öll þessi mót fóru fram utan Evrópu.

Málið snerist snarlega við þegar farið var að spila aftur í Evrópu. Kaymer varð þannig T-15 á Madeira Island Open, sem var fyrsta mót keppnistímabilsins í Evrópu. Í næstu viku varð hann T-3 á Opna portúgalska. Hann komst í gegnum niðurskurð næstu 7 skiptin á tímabilinu frá 23. mars-1. júní. Versti árangur hans á því tímabili var T-35 árangur en hann varð 5 sinnum meðal efstu 25.

Á tímabilinu 7. júní-9. september spilaði Kaymer í 9 mótum og náði aðeins niðurskurði 2 sinnum. Í þeim mótum sem hann komst í gegnum niðurskurð gekk honum vel. Hann varð þannig T-7 í Opna franska. 7 vikum síðar varð hann T-2 á Scandinavian Masters.

Kaymer spilaði í 6 af 8 síðustu mótum keppnistímabilsins. Hann komst í gegnum niðurskurð í öllum þeim mótum. Þann 18. október 2007 var Kaymer á skori upp á 11 undir pari, 61 höggi á Portugal Masters. Þessi hringur er lægsti hringur Kaymer á 2007 keppnistímbilinu. Þetta var líka nýtt vallarmet í Oceânico Victoria Clube de Golfe. Hann lauk keppni í mótinu T-7. Tveimur vikum síðar á lokamóti keppnistímabilsins,  Volvo Masters, varð hann í 6. sæti. Á Volvo Masters voru gríðarsterki keppnedur. Kaymer vann sér inn €140,000 fyrir 6. sætið, sem var hæsti launatékki Kaymer til þessa.

Alls vann Kaymer sér inn  €754,691 á 2007 keppnistímabilinu og var langefstur af nýliðunum á peningalista Evrópumótaraðarinnar og í 41. sæti yfir heildina.  Þetta varð til þess að hann vann   Sir Henry Cotton nýliðaverðlaunin. Hann var fyrsti Þjóðverjinn til þess að vinna þessi verðlaun.

Kaymer var með 5 topp-10 árangra á 1. keppnistímabili sínu.  Vegna þessarar frammistöðu sinnar komst hann á topp-100 heimslistans í fyrsta sinn. Í nóveember fór hann á Topp-75 og fór þar með fram úr Bernhard Langer sem hæst rankaði þýski kylfingurinn.

Þann 2. nóvember, skrifaði Kaymer undir samning við Sportyard umboðsskrifstofuna, sem er með höfuðstöðvar í Svíþjóð.

Kaymer var fulltrúi Þjóðverja í  Omega Mission Hills World Cup, árið 2007 ásamt 4-földum sigurvegara á Evrópumótaröðinni Alex Čejka. Þeir urðu T-6.