Hvaða ungu kylfingum (u. 23 ára) ætti að veita athygli 2023? Tom Kim (1/10)

Enginn vissi hver Tom Kim var fyrir ári síðan.

Ekki bara vegna þess að hann var ekki meðal 100 bestu á heimslistanum. Hann ferðaðist um heiminn og spilaði golf undir nafninu Joohyung Kim. Nú kallar hann sig Tom.

Hann tók upp gælunafnið Tom vegna þess að hann elskaði að horfa á “Thomas the Tank Engine.”  sem strákur. Og það er ekkert svo langt síðan.

Tom Kim er fæddur 21. júní 2002 (á m.a. sama afmælisdag og golfdrottningin okkar Ragnhildur Sigurðardóttir). Hann er nýorðinn 20 ára en þegar búinn að sigra tvívegis á PGA Tour; þ.e. á Wyndham Championship, 7. ágúst 2022 og Shriners Children´s Open 9. október 2022.

Hann er því í hópi, með ekki síðri kyfingi en sjálfum Tiger Woods, yfir þá sem náð hafa að sigra á PGA Tour tvívegis,  20 ára.