Ragnheiður Jónsdóttir | mars. 4. 2013 | 15:00

Heimslistinn: Michael Thompson kominn í 45. sætið – Luke Guthrie fer upp í 64. sætið

Michael Thompson, sem sigraði í gær á Honda Classic mótinu á PGA National í Palm Beach Gardens, Flórída fer upp um heil  69 sæti á heimslistanum, en hann var í 114. sæti hans fyrir mótið en er nú kominn í 45. sætið!

Luke Guthrie, sem var í forystu allt mótið tekur líka stökk upp lístann, fer upp um 42 sæti úr 106 í 64. sætið.

Dawie Van Der Walt sem sigraði á móti Evrópumótaraðarinnar: Tshwane Open fer úr 436. sætinu sem hann var í fyrir mótið í 223. sætið eða upp um heil 213 sæti og er eflaust hástökkvari vikunnar á heimslistanum!

Staða efstu manna á heimslistanum er óbreytt.  Rory, sem gekk úr Honda Classic mótinu andlega veiklaður og með tannpínu,  trónir enn í 1. sæti með 11.45 stig; Tiger kemur næstur með 8,75 stig; í 3. sæti er sem fyrr Luke Donald með 7,20 stig og í 4. sæti er Brandt Snedeker með 6.64 stig.

Breyting er á 5. sætinu en í það fer Justin Rose eftir topp-10 árangur á Honda Classic; hefir sætaskipti við Louis Oosthuizen, sem kominn er niður í 6. sætið.

Skipan í 7.-10. sæti heimslistans er óbreytt frá síðustu viku: í 7. sæti er Adam Scott; í 8. sæti er Matt Kuchar; í 9. sæti er Lee Westwood og í 10. sæti er Ian Poulter.

Sjá má stöðu efstu manna á heimslistanum í þessari viku með því að SMELLA HÉR: