Haraldur komst í 16 manna úrslit – en tapaði þar fyrir Paratore

Haraldur Franklín Magnus, GR, er að gera það gott á Royal Cinque Ports golfvellinum í Englandi þar sem Opna breska áhugamannamótið fer fram.

Haraldur. sem varð í 10. sæti eftir höggleikinn sigraði fyrsta andstæðing sinn í gær og í morgun sigraði hann Viktor Lange frá Suður-Afríku í spennandi leik, þar sem úrslit réðustu ekki fyrr en á 20. holu.

Haraldur var reyndar kominn með 3 holur upp eftir 16 holur en tapaði næstu 3 holum og réðust úrslitin ekki fyrr en á 20. holu.

Í 16 manna úrslitum lék Haraldur við Ítalann Renato Paratore og fór leikur þeirra á 19. holu, þar sem Paratore hafði betur.

Það verður því Paratore sem fer í 8 manna úrslit og mætir þar Bandaríkjamanninum Jack Liu.

Það munaði minnstu að Haraldur kæmist áfram í 8 manna úrslitin. Árangur hans er stórkostlegur en af 288 manns sem hófu keppni er hann meðal efstu 16. Glæsilegt!!!

Til þess að sjá stöðuna í 16 manna úrslitum SMELLIÐ HÉR: