Ragnheiður Jónsdóttir | desember. 14. 2013 | 04:00

Hálfbróðir Tiger handtekinn vegna gríns

Hálfbróðir Tiger Woods var handtekinn eftir að hann hringdi inn hótun um að hann myndi sprengja upp skrifstofubyggingu þá sem hann vinnur í , í Phoenix, Arizona.

Earl Dennison Woods Jr., sem er annar af tveimur hálfbræðrum Tiger og pabbi Cheyenne Woods, var með sprengjuhótun gegn Arizona Department of Economic Security s.l. fimmtudagsmorgun. 

Hinn 58 ára Earl viðurkenndi að það hefði verið hann sem hringdi en sagðist hafa gert það í gríni.

Byggingin var rýmd og leit framkvæmd en engin sprengiefni fundust. 

Skv.  The Arizona Republic  hringdi Earl Woods stuttu fyrir  8.30am að staðartíma og sagðist myndi sprengja upp bygginguna.

Hann gaf sig síðan fram eftir að í ljós kom hversu alvarlega viðbrögðin voru við hótun hans, og var hann handtekinn og  ákærður fyrir að nota raftæki (síma) til þess að hafa í hótunum.

Honum var sleppt úr Maricopa County fangelsinu um fimmtudagskvöldið og hélt sig við framburð sinn þegar fréttamaður Fox 10 hafði samband við hann.  

„Þetta var bara djók, maður. Ég var að djóka við samstarfsmenn mína,“ sagði Earl Woods við fréttamenn.